طفلي يارب رحمتگ

السلام عليكم ورحمه الله

اخواتي مو عارفه كيف ابدأ ووش اقول

انا خايفه

انا رزقت بطفلي الوحيد بعد 4 سنوات من زواجي
ولد طفلي بعيوب خلقيه بالقلب وعمل عمليه قلب مفتوح
اول ايام حياته وجلس شهر كامل بالعنايه وبعدها طلع
البيت مع العلاجات كل ساعه اللهم لك الحمد انتهت فتره
العلاج وربي نجح عمليه ولدي والان في اخر مراجعه له
سألت الدكتور الجراح عن حاله طفلي لاني ماكنت فاهمه
كل شي بالتفصيل وقالي ولدك الان طيب مايحتاج شي حاليا
بس في المستقبل بيحتاج قلت ايش يحتاج !!
قال لي ولدك ماعنده شريان رئوي !!! واحنا بالعمليه وضعنا
وصله بلاستيكيه تقوم مقام الشريان الرئوي وهذي الوصله
كل مايكبر طفلك تحتاج تغيير يعني كل بعد فتره نعمل عمليه
اخرى ونضع وصله بلاستيكيه اكبر تناسب سن طفلك قلت ومتى
اخر عمليه قال مااقدر اقولك في حل نهائي الطب لسه ماتوصل
لبديل غير هذي الوصله اللي بتجلس تتغير مع ولدگ طول عمره
يارب رحمتك يارب رحمتك يارب رحمتك قال الطب في تطور وان
شاءالله يكون في حل يبغى يهديني انا املي في ربي كبير
ومحسنه الظن بربي بس اتمنى انا اللي اتعذب في حياتي
وطفلي يعيش بخير
طفلي الحين صارت ضحكاته بكل ركن بالبيت ومناغاته وحركاته
ولعبه وكل شي ودي يعيش دووم بضحكته ماابي عمليات ماابي
ولدي يقضي كل مرحله من عمره في عمليه جديده
ربي قادر ع كل شي مثل مارزقني هالطفل بعد تاخر وحفظه لي
ونجح عمليته قادر يشفيه شفاء كامل ولايحتاج لهالعمليات ويعيش
طفل زيه زي كل الاطفال يلعب ويجري وكل شي

انا كل اللي ابيه منكم تدعون لولدي الوحيد بالشفاء وان ربي
يجعله من نصيبي ولايحرمني منه ولامن ضحكته وحسه بالبيت

ودعواتكم ربي يقويني ويعيني ..