طفلي ٣ سنوات

السلام عليكم ، كيف الحال
ولدي عمره ٣ سنوات وهو الوحيد عندي صاير هالفتره يخاف يروح غرفة الالعاب او المطبخ او المجلس لازم يقومني معه ، بس جالس معنا بالصاله ، مع ان اول كان يروح ويجي غرفته ويلعب ويجي عندي بالصاله يسولف معي ويرجع يلعب ، وكمان اطلبه موية من المطبخ ويجيب ، الحين مرررا ماعاد يروح مكان ثاني الا الصاله لاني فيها ، مدري وش السالفه هل هو طبيعي هالشي ؟ وكيف اعالج الموضوع وبنفس الوقت ماابي اجبره يروح غضب لحاله ، مع العلم ان باليوم اشغل له التلفزيون ساعتين تقريبا واغلب اللي يشوفها انا اختارها يعني مافي اشياء تخوف ،
وموضوعي الثاني / كيف اخلي ولدي طليق بالكلام وفصيح مع العلم انه يفهم جدا وعلمته عالحمام وماتعبني بس كلامه شوي مو واضح وودي يقول جمله كامله زي ( ابغى اروح الحمام ) ( ابغى اكل تفاحة ) مع ان اعلمه واكررها قدامه 💔💔💔 ، ماابي ادقق بالموضوع كثير بس دايم اسولف معه واقول لاابوه يساعدني بهالشي لان ابوه كلامه قليل مو زيي ، حتى بالسياره مااسكت اعلمه كل شي الوان السيارات واحجامها ووين بنروح الله وكيلكم احس زوجي انزعج من سواليفي بس معليش اهم شي ولدي يتعلم 😂😂 ،
فاللي ولدها نفس هالسن وعندها تجارب تخلينا نستفيد 💐💐💐