مشكورين حبايبي كل الي ردوا
والله ما تدرون شكثر أحاتي سفرتي معاه
احس بيطلع روحي بهالسفره و بيفلت اعصابي
لانه حركي مررررررره و حتى اذا اطلع معاه مكان
أتفشل منه حركي و عصبي و عنيييييييييد
وارجع البيت ما اكمل طلعتي بسبب الفوضى و
الجركات الي يعملها

و المشكله انه ما يشرب صناعي و لا يمص لهايه
وبنفس الوقت يادوب يأكل بالغصب و المراكض وراه
و يضل باليومين او ثلاثه ما يأكل شئ وعقب ياكل بالغصب

والله عجبتني فكرة المنوم :) بس أخاف تأثر على البيبي
مو مشكله استشير فيها طبيب لانها افضل فمره ممكن
تريحني وتريحه لان السفره طويله مررره

والالعاب يلعب فيها شوي و يقطها وكلش ما يحب الحكره
وتخيلوا بالطائره بضطر احكره ياربي بيذبحني ما بيرضى ابد

انا سافرة فيه من قبل وكان عمره 3 شهور و جنني من البكى
طول ما احنا بالطائره يبكي هذا وهو ما يتحرك و للحين ما فهم
عيل الحين شنو بيسوي فيني يارب سترك

يالله حبيبي أتمنى تتفاعلوا مع موضوعي و تفيدوني ياقلبي

اهم شي الترومومتر والفيفادول معاك بالطيارة وان شاءالله ماتحتاجينهم
لبسيه ايفرول الكامل ادفى له غالبا الطيارة تكون باردة وخذي لك كم غيار
اذا كان متعود على بطانيته خذيها معاك
والدوا المنوم انا سألت الدكتور قال عادي لأنك بتعطينه جرعة وحدة وبأذن الله ماتأثر وتأكدي انتي اكثر
قبل موعد الرحلة لاتنومينه وخليه يلعب ويحوس الدنيا عشان بالطيارة ينام
واحجزي المقاعد الامامية اوسع لك وعشان يحطون لك السرير
ولاتنحرجين ولاشي من الناس طفل ماتقدرين تتحكمين فيه على كيفك
الله يسهل دربك ويحفظه لك

الاخوات ماقصرو


بس اهم شي احجزي المقعد الي معو سرير للاطفال مثل ماقالت عابرة سبيل بريحك

والاكل جيبي المعلب وخلص
عادي خليه يلعب 10 شهور صغير ابني من قبل صوتو ملى الطياره
وبعد كم اسبوع عندي متل مشوراك بس مو قلقاانه حتى ممكن 17 ساعه
الله يوصلنا بالسلامة ونرجع بالسلامة

فديتكم حياتي والله
الله يوسع صدوركم و بالكم مثل ما وسعتوا صدي
انا والله حامله هم وانتوا تقولون لي عادي يعني حسيت
ان في ناس ممكن تتقبلني بالطائره خصوصا مع حوستي
الي مدري شلون بيكون وضعي
واكيد راح استشير الطبيب بخصوص المنوم ان شاء الله
لاني أشوفه أفضل و أحسن حل على الاطلاق :)
بس المنوم كم مفعوله؟؟؟ ساعتين لو ثلاث وباقي الوقت :(
14 شنو يقضيها كفايه اني اخاف الطياره و اعصابي تتوتر فيها
و فراق الاهل صعب و ماندري شنو الله كاتب لنا بهالطيران
الله يعينا ان شاء الله و ييسر اموركم وامرنا ياااارب

للرفع

سبحان الله و الحمدلله
ولا اله الا الله و الله اكبر