شوفي عزيزتي انا سويتها اربع مرات في مستشفى الملك فيصل التخصصي وللأسف لم تنجح ولا واحدة 00
اول شئ انا تحولت عن طريق مستشفى الشميسي يعني لازم بتحويل من مستشفى او امر أميري من سلمان يعني 00
بعد ماجهزنا اوراقنا متى واعدونا ؟؟؟ بعد سنتين !!
ولقينا واسطة وتقدم الموعد وخلوه بعد 6 شهور
اول شئ سوينا تحاليل شاملة للزوجين 00
وعند بداية الدورة بدينا مرحلة العلاج بالأنابيب لكن ماشفنا ولا دكتور بس تروحين للأستقبال يقولون وش المطلوب منك والأشعة تسويها فلبينيه يمكن بعض الحالا قابلت الدكتور لكن انا وزوجي ما شفنا احد وقت السحب يبنجونك بنج خفيف يعني تشوفينهم وبعد الظهر تطلعين من عندهم اول ما يروح البنج
عند الترجيع يطلبون المثانة تكون مليانه ويرجعون الأجنه ويقولون يالله قومي خلاص ماتنتظرين ولا دقيقة 0 بس تقدرين تروحين للأستراح وترتاحي فيها لو لقيت مكان 0
لو فشلت ترتاحين شهر وترجعين تعيدينها مرة ثانيه ولا يطلبوا لاتحاليل ولاشئ ولا سبب عدم الحمل ؟؟؟؟
انا سويتها بسنه وحده وما استفدت شئ ولله الحمد على كل حال
لكن نصيحة مني روحي لمستشفى الملك فهد ببريدة كثير حالات نجحت عندهم وأسلوبهم حلو وبعد كل عمليه يشوفون ايش السبب ويرجعون يسوون فحوصات وتحاليل بأستمرار انا نجحت اول محاولة لي عندهم ولكن لم يستمر الحمل الا شهرين والله كريم يعوضنا بالمرة القادمة يارب 000
اعتذر عن الأطاله لكن شرحت لك بالتفصيل ماطلبت 0

اختي هوازن نجد---

الرزق من رب العالمين
وان شالله ربي يعوضك بالحمل الطبيعي

up

غاليتي sws1317

اسال الله الكريم الرحيم الرازق المعطي

ان يرزقك بالذريه الصالحه وكل محرومه

عاجلا غير اجل

انا امس كان موعدي الأول عندهم

انا حالتي تشبه حاله الأخت وليده انا عندي طفل عنده مرض وراثي علشان كذا

لجأت لأطفال الأنابيب طبعا انا جيتهم بتحويل من مستشفى العسكري

اصلا التحويل كان لولدي في عيادة الأمراض الوراثية

وبعدها حولوني على عياده العقم والانابيب

وحمدالله ما احتجنا واسطات ولاشي وعطونا الموعد بعد ثلاث شهور

اللي هو امس..عند الدكتور رأفت الرجال الظاهر انه سوري وجلس يشرح لنا وش بيسوون

بعدين سووا لي اشعه صوتية للمبايض ومسحة من الرحم

وتحاليل دم بس انا احتاج تحاليل دم زياده انا وزوجي وولدي علشان المرض الوراثي

وقالوا اول يوم دوره اتصلي علينا علشان برضو بيسوون تحاليل واشعه ملونة

وعطانا موعد بعد شهر ونص والله يكتب اللي فيه الخير

وبالنسبة للبنج وقت سحب البويضات قال لي الدكتور نعطيك بنج خفيف بس تكونين واعية

عموما الانطباع العام ممتازين بس مررره عندهم ضغط

هذا اللي صار معاي امس بالتفصيل المممممل