فحقق يآلهي حسن ظني :

عزيزتي انا عندي طفلة عمرها اﻻن سنة تقريبا .. وهذي تجربتي معاها.. الحمد لله انا كثير مهتمه فيها و في تطويرها .. انقلبت بنتي وعمرها شهرين بمساعدتي و زحفت بعمر ستة اشهر و مشيت بعمر تسعة اشهر بكل مرحلة كانت تحاول واساعدها حتى تتمكن.. كنت اتكلم معاها كثيير من لما ولدتها لما اسوي شغلة وهي تتابعني احكي لها انا اسوي كذا انا مثلا امشط شعري عشان يصير مرتب وجميل زي شعرك انتي شعرك جميل .. وامشط لها معايا وهكذا باقي الاشغال .. صرت احس عندها فضول وحب معرفة واحط الشغلة اللي امسكها في يدها تتحسسها و تتعرف عليها ولو ماكانت ضارة اسمح لها تحطها في فمها تتذوقها .. كنت اقراء عندها القران واجلسها في حضني واسمح لها تلمس المصحف ، الحمد لله يارب بنتي كملت ستة اشهر وكان ذكاءها ملحوظ ونموها الجسدي متطور والجميع كان يلاحظ هذا الشي ماشاء الله .. بدات احببها في الكتب واقضي معاها وقت اطول في التعرف على الاشياء لما صار عمرها سبعة اشهر جبت لها كتاب خاص فيها تقلب فيه وصارت جدا تحبه .. كنت اعطيها علب لها اغطية سهلة الفتح وافتحها واخليها تسكرها تتعلم كيف تركب الغطاء على العلبة وهذي مهارة حلوة كانت تتعب في البداية وماتعرف بس ظلت تحاول بمساعدتي حتى تعلمت .. الان اجيب مكعبات واركبها معاها وماشاء الله بدات تتعلم عليها .. واشياء كثيرة كنت احاول اطورها فيها بس ماتحضرني الان .. طبعا ما اخليها تتابع التلفزيون الا ما ندر يعني ما احط لها انشودة او شي واخليها عندها تتفرج ﻻااا احس هذا الشي يشتت انتباهم ويقلل تركيزهم..كمان اقضي وقت طويل فاللعب معاها.. الاكل بدات معاها من عمر اربعة اشهر و وزنها مثالي الحمد لله حتى الان ،، الجميل ان بنتي صارت تتصفح اي كتاب ماشاء الله بدوون ما تقطعه تعلمت كيف تفتح الكتاب وتقلب الصفحات تتفرج لها.. صارت تعرف ايش يعني نونو وتحب تلاطف الاطفال ههههه مع انها نونو صارت تعرف الاذان وتردد معاه ولما تسمع قران تقرا معاه والاحظ انها تميز القران عن الاناشيد ﻻنها ترقص على الاناشيد بينما تردد مع القران صارت تعرف استخدام كثير من الادوات زي الكريم مثلا تحط على يدها وتدهنه لوحدها والمشط تسرح فيه شعرها و الشراب تحاول تحطه في قدمها والملعقة للاكل والقلم للكتابة وهكذا تفهم كثير من الكلمات لما اقولها شي ماشاء الله تفهمني الحمد لله احس اجتهادي معاها مثمر الله يحفظها ويجعلها من الصالحين .. اعتذر على الاطالة بس حبيت اذكر تجربتي للافادة

عزيزتي انا عندي طفلة عمرها اﻻن سنة تقريبا .. وهذي تجربتي معاها.. الحمد لله انا كثير مهتمه فيها و...