SESAME STREET :

الله يسامحك ياختي اسمحي لي اقول لك اني اكره الام الي تضرب عيالها ضرب مبرح وان ماعندها ذكاء في تعاملها مع طفلها بس تطلع حرتها بالضرب وكل الي في طفلك عقد انتي سببتيها له... وبعدين ياختي سوي الي تبين فيه بس ضرب على الوجه هذي ما تنغفر ولا تنسى لين يكبر تضل في باله مع آثارها النفسية الوجه محل الكرامة وانتي قاعدة تضربينه في وجهه؟ وترى ماسوى الحركة ذي الا عشان يلفت انتباهك يختي كلنا عقد من امهاتنا ومن ضربهم وعقدهم الي سببوها لنا الله يعفو عنهم وعننا بس ما نجي نسوي لهم زي ما اتسوى فينا.. امهاتنا يمكن ماتعلموا مساكين بس انتي شكلك متعلمة يعني اقري ابحثي في النت عن اسباب تصرفاته.. شاهدي سوبر ناني ولا اقري كتبها في لها اصدارين بجرير وكت بواااجد كثير مفيدة لك وله..و فيه كتاب اسمه اساليب العقاب وفيه منها انك ماتكلمينه لوقت محدد مثلا خمس دقايق تقولين له خلاص انا زعلانة ولا تكلمني ولا تردين عليه اذا كلمك بس ترى هذي شديدة وااجد عليه ومو اي وقت استخدمها بس في الشديد القوي وانتبهي اذا تستخدمين هالوسيلة واجد يروح مفعولها.. وبعد التجاهل والحرمان من شي يحبه مثلا القيم بوي او تعلقين ورقة على باب الحمام وكل مرة يدخل تلصقين ستيكر واذا غلط بس جربي حطي اكس وشيلي ستيكر وحدة وشوفي اش راح يصير فيه حتى مايحتاج تعاتبيه بس تقولين انا راح اشيل ستيكر وحدة من الي جمعتهم وبحط اكس لانك عملتها على نفسك راح يتأثر ويتضايق من تصرفه بس لو ضربتيه راح يضايق منك... و قولي له اذا جمعت 10 ستيكرات راح اوديك محل الاسماك تختار اناء وسمكتين او راح اجيب لك هدية كبيرة وتصدقين في وعدك مو بس كلام او تحطين اناء وتجيبين ورد بلاستيك وكل مرة يعملها بالحمام يحط وردة واذا عملها على نفسه تشيلي وردة وتحطي اكس على ورقة على الثلاجة عليها اسمه ترى هالاشياء ما يبي لها الا شوية تفكير مادري شقول عن تصرفك معاه من جد قهرتيني في تعاملك مع ضناك ترى الخمس سنوات الاولى من عمر الطفل مهمة جدا لانها هي الي تحدد شخصيتة بعدين في الحياة واعتقد واضح السبب ليش الي اصغر منه يستقوون عليه وهو انطوائي لانه ماعنده تقدير للذات منكم الله يهديكم فيه حاجة نفعتي كثيييييييير اني طول اليوم ادعي انو ربي يعطيني طولة البال والصبر على الجهال الي عندي وكل من شافني وسألني عن احوالي مع الجهال قلت له ادعو لي بطولة البال والصبر والحمدلله نفعني الدعاء كثير ماكذب تجيني اوقات انفجر واصارخ وحتى زاد وزني لاني كل مانقهرت منهم رحت طلعت حرتي بالاكل بس ما امد ايدي على جاهل ضعيف لا حول له ولا قوة وانا مصدر الامان له في هالدنيا ليش اصير ضده ياختي من له غيرك في هالدنيا يعلمه ويعطيه؟؟؟ دمعتي نزلت على هالفقير ولي رجعة بعدين بشوف لك اساليب العقاب والثواب وبكتبها بس مو اليوم بس اول حاجة تسوينها انتي وابوه انكم تتفقون على عدم الضرب وجربي وسيلة تجميع ستيكرات او عل الاقل علقي ورقة وكل مرة ارسمي نجمة او و جه مبتسم ولا تتوقعين ان اذا توقفتي عن الضرب او اذا استخدمتي اسلوب جديد في نفس اللحظة بيتغير يبي له وقت ترى الطفل مثل الزرعة الي تنسقى وتحتاج هواء وضوا ومع الوقت يبين فيها وشوفي اذا فيه دورات في مراكز نسائية عن طريقة التعامل الامثل مع الطفل واسمحي لي اذا غلط عليك لكن من جد شي يقهر وسامحيني

الله يسامحك ياختي اسمحي لي اقول لك اني اكره الام الي تضرب عيالها ضرب مبرح وان ماعندها ذكاء في...