طفل بدون جمجمه رسالة لأعضاء مرو بنفس حالتي.

حملت بطفلي الاول عبدالرحمن ولما كان حملي في شهره التالت رحت لموعدي المعتاد مع دكتوره في مستوصف انا طلبت أشعه لابني لقياس طول الأطراف وحجم الجمجمه الدكتورة طمنتني بان أطرافه طبيعيه لأكن بتقلي ماهي شايفه الجمجمه حولتني الى دكتور الإشعه خرج زوجي من عمله ودخلنا سوا على الدكتور اعطاني التقرير،
انا وزوجي نتحدث الانجليزيه قرأنا الإشعه سالت الدكتور أشبه ابني قلي ارجعي للدكتوره سألته ابني مشوه قالي نعم
لاحول ولا قوة الا بالله بكيت اختنقت تمنيت لو انه حلم صدمت بالحقيقة المره توجهت للحرم دعيت بكيت انا وزوجي في حالة ضياع عدت الشهور ثقيله لأكن حبيته جداً مع معرفتي انه ماحيعيش قرأت له القران والقصص وغنيت له وهوا في بطني مع علمي بان هالنوع من الاطفال لايسمع وتقريبا هم غير واعيين مع أني اشكك في هاذه المعلومة لانه لما كان يسمع صوت أبوه لما يجي من العمل يتحرك بسرعه كانه متحمس لها الصوت الئ دايم يسمعه لما قربت ولادتي وريت اخواتي وأمي صور لاطفال من الانترنت من نوع هالتشوه لانه تشوه ممكن يصدم الشخص الغير مستعد وقلتلهم انه هاذا ولدي وهاذا حيكون شكله فاتذكرو انه ولدي وانه قطعه مني حبوه زي ماهو ...
جأت موعد ولادتي ماولدت تأخرت ولادتي ٢٣ يوم رحت للمستشفى ٣ ايام في طلق صناعي
ولدت في اليوم التالت طبيعي كانت ولاده متعسره لانه ولدي حبيبي ماقدر يساعدني ومادفع نفسه وانا كمان استسلمت بسرعه لأني كنت مرهقه بالأيام لااكل ولا نوم في المستشفى .
ولدت الحمدلله الساعه ٤ ونص العصر جا عبدالرحمن ولدي زوجي آخذة وأذن في أذنه طلبتهم ادوني ولدي قبل مايموت حسيت انه ولدي ميت جابوه وجات عيني في عينه ياالله جداً جميل مؤ زي ماتخيلت مؤ زي ماشفت في النت .... اجمل شي شفته في حياتي . للأسف وقتها كان ميت حضنته انا وزوجي بالساعات مع اهلي وأهله وام زوجي الي كانت معايا من البدايه وكانت اكبر داعم الله يحفظها يارب الين قريب العشاء.
زوجي أخذ ولدي وصلو عليه العشاء ودفنوه .
الئ مطمني انه ولدي في الجنه كامل بدون تشوه ومشتاقه اقابله في الآخرة .
عدت على ولادتي الان تقريبا ٤ اشهر والحمدلله انا بخير يارب لك الحمد .
انا سجلت عشان اشكر الأخوات الئ مرو في نفس حالتي طفله عشرينيه نجوم99 فرشي حصير ماضيه بتفائل ماتعرفو كيف ساعدتوني كنت دايم ادخل على موضوعكم وشكرا لكل الئ ردو حسيت كأنهم بيردو عليا تجربتكم حسستني انه ماني لوحدي ماتعرفو قد ايش ساعدتوني
جزاكم الله خير


محبتكم ام عبدالرحمن .

لا الله الا انت سبحانك أني كنت من الظالمين .