طفل رضيع و دراسه

نصيحتي خلي طفلك معاك وديه لحضانه بحيث يكون دوامهم طويل شوي ويمديك تخلصي شغلك وابحاثك خلال الفترة هذي وماترجعي بيتك الا وانت مخلصة شغلك كذا افضل لك ولطفلك مو حلوة تبعديه عنك خصوصا في عمره الصغير هذا ،،، وكثير ناس معاهم اطفالهم وبعضهم ولدوا بالغربة واطفالهم معاهم ودراستهم ماشية ماراح تكوني مرتاحة وولدك بعيد عنك انت أم وقلبك راح يحن غصب عنك ،،، الله يكون بعونك

الله يعين كلها صعبه

اتوكلي ع الله و خلي ابنك معك
انا كانت بنتي عمرها 6 شهور وقت بلشت
في حضانات دوامهم طويل
و الايام بتمر بسرعة بكرا بيكبر و بتتعودي

خلي اختيارك الأول أنه يكون معك..
و هذا الاختيار ممكن جدا و ما فيه أي خوف
و حاولي أنك تنظمي وقتك مزبووووط و خلي معك (دفتر مذكرة) طووول الوقت

و لو الحضانة مثلا من الساعة 8 الصبح إلى 6 المساء.. حاولي تخلي طفلك متواجد من البداية إلى النهاية
حتى لو مثلا دوامك يبدأ الساعة 10.. حلو أنك توصلي البيبي من 8 و يكون عندك ساعتين تستعدين و تذاكرين

و لو كانت آخر محاضرة عندك ع الساعة 4.. برضو ما تطلعي من الجامعة إلا الساعة ستة إلا ربع مثلا تذاكري فيها و تعملي بحوثك و الخ.. عشان تأخذي ابنك ع الساعة 6 بالضبط

(ملاحظة مهمة: أنا عارفة أن أسعار الحضانات حااار نااار بالذات للأطفال تحت الستة أشهر،، لكن معليش.. خلي البيبي يروح دوام كامل و تجنبي النص دوام و معرف ايه و ادفعي زيادة ما فيه مشكلة.. تخسري فلوس و لا تخسري وقت)

و برضو استغلي اللوكر ( الخزنة ) اللي بالجامعة بشكل كويس.. ماله داعي تشيلي الكتب من و الى البيت.. خلاص خلي الكتب و المحاضرات و النوت كلها في الخزنة.. عساس تكوني خفيفة و سريعة في التنقل بين البيت و الحضانة و الجامعة

في المساء قسمي وقتك على نظام "ساعة ساعة".. ساعة للبيبي، ساعة للبيت، ساعة لنفسك و لزوجك

في الويك اند فرغي كل طاقة الأمومة مع البيبي.. خليه يكتسب المهارات اللي تناسب عمره و فرغي تعب كل الاسبوع..
و حددي لك أربعة ساعات من صباح يوم السبت أو يوم الأحد ( من الساعة 8 إلى الساعة 12 مثلا) تروحي فيها للجامعة أو المكتبة تذاكري فيها و تعملي بحوث.. و تخلي زوجك المصون يستمتع بالأبوة مع البيبي خخخخ
طبعا عن نفسي ما أذاكر في الويكند إلا لإختبارات المد ترم و الإختبارات النهائية

خلي زوجك يتسوق للمقاضي و يطبخ بعض الوجبات مثلا أو يلعب مع البيبي.. لا تستحين تطلبين منه يساعدك في بعض الأشياء

هذا النظام أنا استخدمته و الحمد لله ماشية تمام.. تخصصي جدا صعب.. و فيه معدل رسوب كبير.. و من فضل الله و رحمته أخذت درجة الشرف في أربع مواد من أصل ستة و بنفس الوقت علمت ابني ع دخول الحمام و نجحت في المهمة هذي برضو.. الحمد لله

الزبدة الاختيار هذا فيه سباق مع الزمن :)

و الاختيار الثاني خليه في بالك (أنك تخلي البيبي عند أمك)
مهما كان أعصابك أنتي مسؤولة عن سلامتها.. و إذا حسيتي أنك تحملين نفسك فوق طاقتها.. أحسن تخلين البيبي عند أمك إلى ان تتحكمين بالأوضاع مزبوط و ترجعين طفلك إلى أحضانك

و أي سؤال أنا حاضرة

مووووفقة