طفل عدي السنة --- حليب صناعى

طفل كمل السنة ياخذ حيلب لايقل عن نصف لتر باليوم
مقسم بين رضعات ومكملات من منتجات الالبان
انا شخصيا بنتي عمرها سنة وشهرين اعطيها رضعة في الصباح مائتين وخمسين
ورضعة في الرابعة ظهرا ايضا 250
ولا اعطيها بالليل لان لديها الارتجاع وافضل الا تاخذ سوائل في الليل

بروجرس أو نيدو نفس الشي دامه حق عمر السنة

أهم شي أكله زين وعطيها منتجات الألبان وقللي من الحليب

يعني عطيها رضعه اساسية الصبح على الكميه اللي تبينها ورضعه مثلا العصر أو المغرب وتكون خفيفه بدون بسكوت او سيريلاك واقل من الكميه اللي تحطينها وبالليل لا تعطينها على يصير ثقيل على معدتها

وعن تعقيم الرضاعات فيه اجهزة معقمة بالبخار من بيجون وتشيكو ومذركير واذا ما تقدرين تشترين بقدر تيفال جديد ونظيف حطي الماي واغليهم

اختي انا اعطيهم بعد السنه حليب فرش مثل المراعي او ندى

طبعاً بالتدريج

اما قبل النوم لا تعطينها دام انها ترجع يمكن يكون ثقيل على معدتها

انا اعطي طفلي حليب المراعي طويل الاجل اللي بمزاز (مصاص)..من عمر 11شهر حوالي 4او5 علب باليوم..والحمد لله تمام..
وبرنامجي:
لصباح مايرضى يفطر الا سيريلاك..(الصباح 12 الظهر عندنا)
بعدها بساعتين ثلاث اعطيه خضار
بعدها بساعتين حليب ..بعد ساعة فارليز او بسكويت الاطفال
العشاء ع حسب رز مصري او ايدام اللي متواجد
بعد فترة زبادي بالفواكه الجاهز وقبل النوم حليب..وفي الليل والفجر على حليب حليب