طفل في العاشره يعاكسني !!

بداية الحكاية من شهرين تقريبا

اتصل فيني طفل صوته صغير وبدأ يعاكسني ويردد احبك ابغى اتعرف عليك ومن هالعبارات السقيمة

بالبداية طنشته وصرت ماارد عليه قلت بيتصل ويتعب .. لكن توقعي ماكان بمحله لأنه استمر بإزعاجي بشكل ممل يعني تقريبا 50 اتصال بالساعه تخيلوا ,, انتقلت للخظة الثانية وحولت جوالي على خدمة موجود يعني يتصل يلقاه مقفل واستمر بنفس الطريقه اجي جوالي القى 70 رسالة اتصال منه

انتقلت للخطة الثالثه رديت عليه وشتمته ودعيت عليه بالشلل والمرض اذا اتصل مره ثانية لكن قعد يضحك واستمر بنفس طريقته ..!!

جانا رمضان وهو على نفس الحال قمت وقفلت جوالي خير شر لأني كنت منشغله بأمور مهمه وتركت الجوال مقفل وقلت اكيد فقد الأمل ,,

لما جاء صباح العيد ولبست ونزلت عند اهلي فتحت جوالي علشان اكلم واعايد واستقبل الرسايل من صديقاتي تفاجأت من اول دقيقة فتحت الجوال فيه الا هذا رقم مااعرفه يدق يوم رديت الا هذا هو يقول كل عام وانتي بخير ويضحك !! بصراحة انا ارتفع ضغطي هنا يعني جربت كل الحلول مانفع المهم انه استلمني اتصالات من الساعه 6 الصباح الى اذان الظهر

وقتها خطر على بالي فكره اني اتصل بالرقم اللي ازعجني منه صباح العيد لأني حسيت انه ماهو جواله وفعلا لما جاء بالليل وانا اتصل وهي ترد علي حرمة كبيره بالعمر سلمت عليها وقلت لها هذا جوالك قالت نعم قلت ياخاله جاني ازعاج من رقمك امس الصباح تذكري جوالك كان مع مين وقتها قالت كان مع ولدي عمره 10 سنوات .. تخيلوا يابنات 10 سنوات ويعاكس !!

المهم اني خبرتها بكل شي والحرمه شكلها انصدمت قالت لي لك علي اخبر ابوه واتصرف معه

وقلت الحمدلله ارتحت منه لكن البارح رجع يزعجني من رقم ثاني واتصل علي 16 مره من رقم و20 مره من رقم ثاني و30 مره من رقم ثالث يعني شكله ياخذ اي جوال من اي احد يقابله ويتصل علي !!

الحين اعطوني حلولكم وش الحل مع هالطفل البثر ؟