الله يخليه لوالديه يارب
بنتي جاء عمرها سنتين وما تكلمت بس ماما وبابا
وكل خوفني والحمد لله بعد عمرها ذ ا تكلمت والحمد لله نطقها سليم وكلامها زي العسل
الله يصلحهم

بنتي ماشيه في اربع سنين ولسانها مو زي اخوانها مره تقيل وتوها اللي سارت تتكلم

اللي أعرفه انه الطفل لما يكمل سنه المفروض انه يقول كلمات طبعا فيه عدد تقريبي لهذي الكلمات بس ماني متأكدة كم بالضبط ... ولما يكمل سنتين يقول جمل متكونه من كلمتين ..ولما يكمل ثلاث سنوات يقول جمل من ثلاث او اربع كلمات .
انا كان هذا الموضوع ما يهمني ..بنتي نطقت الكلمات زي ماما ،بابا ، دادا ..بدري بس بعدين وصلت لسنتين وهي بس تقول كلمات جدا قليلة و ما هي مفهومة ..وكمان كنت اقول أكيد لما حتكمل 3 سنوات حتتكلم وراح يطلع الكلام فجأة بس كملت 3 سنوات وهي يا دوب تقول جمل من كلمتين وكمان مرة قليلة ..بدأت ابحث في النت وعرفت المشكلة فين ...في موقع باللغة الانجليزية فيه دكتور يقول مو بس مهم انكم تكلموا الطفل كثير وتكلموا زي الكبار لأ ، كمان طريقة الكلام مرة مهمة يعني لما تكلموا الطفل لا تتكلموا بسرعة ( وانا كلامي جدا سريع ) لازم تتكلموا ببطء وترفعوا نغمة الصوت ( مو يعني تصرخوا لأ طبعا ) وتحاولوا تكون أصوات الكلمة واضحة..وبدأت أطبق الطريقة والله في اسبوع بنتي بدأت تنطق الكلام أوضح مثلأ كانت تقول للموية (مي ياه ) صارت تقولها صح ..

وفي موقع ثاني أخصائية أطفال تقول لازم انك تطلبي من الطفل انه يقول جملة من ثلاث كلمات ( في حالة بنتي طبعا لأنها 3 سنوات ) فمثلا انا أكون عارفة هي ايش تبغى ..مثلا تقول مامابرتقاله ..اقولها ما أعطيكي البرتقالة الا اذا قلت ماما اعطيني البرتقالة ...وفعلا تحسنت كثير بالنسبة للجمل ..
وطبعا اذا رفض الطفل او غلط ما تعاقبيه او تكشري خليه عادي وشجعية لما ينطق الكلام صح ...

وطبعا في الاخير الاطفال يختلفوا لكن لازم نبذل جهدنا معاهم واذا شفنا انه الطفل مرة متأخر ممكن نستشير أخصائي عشان نتطمن ..

الله يعيننا ويعين كل الامهات اللي يعانوا من هذه المشكلة ..