اسعد الله مساءكم ياغاليات ..
اليوم جلست اتذكر ايام زمان , ايام الطفولة , وكيف كنا نقضي الإجازة
ايام رائعه اتمنى الكل يشاركني طفولته , بالنسبة لي كنت اكثر شي يسعدني هو حضور اختي الغاليه من الرياض
كنت انتظر حضورها واعد الايام , بس مو عشانها لاعشان عيالها :tongue3: وخلوني اقولكم كيف كنا نقضي هذا الشهر
اللي تكون اختي عندنا ,كان اغلب وقتنا لعب بالحوش والسطح , ومن افضل الالعاب اللي نلعبها
*لعبة حريم* واهم شي يوم نسلم على الجدار من البدايه للنهايه على اساس انهم حريم كثاااار خخخخ
والعصر من اجمل الاوقات كنا نتابع افلام كرتون ننتظرها وكان لها شوق عجيب , مو الحين اللي كل وقت موجوده ..
اما الشي اللي انا اكرهه ولا احبه وعيال اختي مدمنين عليه هو الاتاري :08:
كانون يفوزون علي وهذا يأزمني نفسيا خخخخ
اما لعبتي المفضلة واللي كنت اجلس ساعات وانا العب بدون ملل *عرايس باربي*
ياكنت اعشقهم وعندي العايله كامله وتشوفوني احوس ياما لبست وياما بدلت , اوكلهم وانومهم ..
هذي هي طفولتنا , مااجملها , عشنا البراءة صدق , مو اطفال اليومين هذي
والله ارحمهم فتن وبلاوي من كل مكان, لابد تكون الام واعية ومتابعتهم وقريبه منهم ..
ولازم نحرص في فترة الاجازة لان 3 شهور كفيلة بان تغيرين فيها كثير من الصفات السلبية عند طفلك , وقد تهدم كل مابنيتي ..
الاطفال عندهم طاقه لازم نستغلها مو نتركهم بدون رقابه بدون توجيه
نظمي يوم ابناءك ورتبيه , وقت للعب وقت للقراءة , اجعليهم يساعدونك في اعمال المنزل وحببيهم بالعمل
لايكون وقتهم نوم وبلايستيشن وتلفزيون ووو , وامور ممكن بغفلتنا عنهم يتعلمون مايفسد براءتهم
هناك *نوادي صيفيه* رائعة , ممكن تسجلين ابناءك , فيها سباحة ورحلات وفيها دورات حسب العمر
يتعلمون ويتسلون ويجدون الصحبة الصالحة باذن الله , اهم شي تاكدوا مين القائمين عليها ..
الاطفال هم شباب المستقبل , في سن الطفولة انت تزرعين , وستجنين مازرعتي اذا كبروا باذن الله
التلفزيون هذا دمار, ولازم ياغاليات نتأكد ونعرف اطفالنا وش يتابعون
ترى البرامج والافلام لها تأثير كبير ياكون ايجابي ياسلبي , ممكن تكون لا سمح الله سبب في فساد هذا الطفل
استبدلي القنوات السيئه بالقنوات المفيده والاسلاميه التعليميه الهادفه ..
لاتجعلي طفلك يرى ويسمع الحرام دون استنكار , فقد يمارسة في مراهقته وشبابه دون أي خوف من الله ..
البلايستيشن احرصي غاليتي على ابناءك ولازم يكون الشريط يناسب عمر الطفل , لابد ننتبه لهذي النقطة
مره شفت طفل لم يتجاوز التاسعه يلعب بشريط مره يخوف فيه قتل ومضاربات , طلع الشريط لعمر 18 سنه وفوق !!!
كثير من الاطفال يعاني من التبول الليلي , والعلاج احيانا يكون جدا سهل
راقبي العاب طفلك الكترونيه تأكدي انها مناسبه لعمره وماافيها شي يخوف
تأكدي من البرامج وافلام الكرتون اللي يتابعها ، وتجنبي العصبيه والصراخ
باختصار العلاج لكثير من حالات التبول هو احساس الطفل بالامان , و الخوف هو من اسباب هذي المشكله ..
والامر المهم اللي لازم ننتبه له ان هناك اشرطة هدامة تهدم اخلاق الطفل , وبجلسة قد تفسد عليك تربية سنوات.
الايبود والايباد والجوالات
احرصي وتابعي ابناءك هذي الاجهزه بيدهم على طول , قد تكون بداية ضياع طفلك لا سمح الله من هذا الجهاز
فكوني غاليتي حريصة , حاولي الغاء مايمكن الغائة , والاهم تقوية الرقابة الذاتية عند ابناءك
من سن مبكر ابدئي بهذا الامر من سن ثلاث سنوات واربع سنوات ..
لاتمنعيه من سماع الموسيقى بل اجعليه هو من يخشى ان يغضب الله بسماعها ..
ونقطة مهمة الأغلب تاخذ اجازه اسبوعين ثلاثة تقضيهاعند الأهل ..
ومثل ماتشوفون يصير غالبا فيه اجتماع للاخوات والاخوان
قد تكوني حريصة على ابناءك , مهتمة بتوجيههم , زرعتي فيهم قيم ومباديئ
لكن ثقي ان جلسة اسبوع او اسبوعين واختلاط ابناءك بغيرهم من الاطفال بدون رقابة
سيهدم كل مابنيتي , سيذهب تعبك هباء , لذلك لابد من الحرص والاهتمام ومراقبتهم جيدا وتوجيههم ..
وتأكدي ان من علمت ابناءها رقابة الله في السر والعلن , سترتاح وستلمس ذلك في ابنائها .
واخيرا بالتشجيع ستجدينهم يفعلون امور لم تتوقعي ان تخرج منهم , استغلي طاقاتهم ونمي مواهبهم وطوري قدراتهم ..
ونقطة مهمة ان لانعتمد على تربيتنا ولا على جهودنا بل لابد ان ندعوا لهم دائما بالهداية والصلاح والتوفيق .