السلام عليكم ورحمة الله
انا كنت طفله عايشه بين اخواني الاولاد الكثييييير وكانت معي اختي من ذوي الاحتياجات الخاصه الله يرحمها💔
وكنت مسجله في مدرسه حكوميه شدييييده
انا بطبيعتي حساااااسه جدا وخجوله وانطوائيه
في البيت اخواني طووول الوقت يا ام شعر منكوش يا قبيحه
ناظرو كيف شكلها وهي تاكل او تشوف التلفزيون ...الخ
طول الوقت يتريقون علي ويعايروني
اذا رحت للمدرسه ومدحتني المعلمه او سوينا حفله
واحب احكيها لأمي تخاصمني وتقول اختك لا تسمعك مسكينه
وفي المدرسه بسبب خجلي صارتلي مواقف كثييير سيئه جدا المدرسات ضربوني والمديره ليش انا مااشارك ...
المهم انا الحين كبرت وصار عمري في العشرين وانا الان
الحمدلله انسانه جميله خلقاً واخلاقاً بشهادة الكل
ومتزوجة وعندي طفل
بس للأسف بعد كل هذا العمر لازالت نفسيتي متأثره
صارت الثقه عندي صفررررر
مهما اتكشخ لطلعه او لزوجي احس في داخلي اني قبيحه
الناس اذا مدحت شكلي اقول لا اكيد يجاملون
زوجي اذا مدحني احسه يكذب علي
حتى ام زوجي اذا شفتها تمدح احد قدامي من الحريم
احسها تدق فيني بالكلام مع انها مسكينه طيبه
تعبت والله والله تعب ايش الحل💔😭
حتى اخواني الي كانو يتمسخرون علي وانا طفله
لما خطبني زوجي وجاء يشوفني لبست فستان يجنن وحطيت
مكياج طبيعي جدا ما كأني حاطه شئ
سمعت اخواني يقولون والله انها احلى من حريمنا
انا الحمدلله عيوني كبار ورموشي كثيفه وبيضاء وشعري طويل جدا وجسمي وطولي يجنن
كللل شئ فيني حلو بس مو واثقه في نفسي.
دايم اذا رحت لعزيمه او لما كنت في الجامعه لازم اسأل صديقتي كيف الروج حلو؟
كيف المسكره؟
كيف البسي؟!
مااطلع من البيت الا لين اجرب ملابس كثير وأسأل امي كثيييير كيف لبسي كيف شعري ؟!
وارجع من العزيمه وانا زعلانه احس مو عاجبني شكلي
اذا حضرت عزيمه وفيه احد اجمل مني ازعل واتنكد
واذا رحت زرت ام زوجي لازم مكياج كامل ولا مره اروح لها بدون مكياج ولبس مرتب
واخوات زوجي ملابسهم عاديه ومبسوطات ولا يحطون ذرة مكياج
وانا جالسه معهم كأني مهرج ومستحيه طول الوقت وارجع بيتي متنكده من نفسي
وصلت لمرحله ما اقدر بعض الاحيان احط عيني في الي اكلمه حتى لوطفل
واتوتر كثييير ووجهي احسه يجبس واتكلم بسرعه بدون تنفس واعرق احس واضح من شكلي فيني غلط😭💔
ايش الحل تكفوون ابغى حل💔😢
يلزم عليك تسجيل الدخول أولًا لكتابة تعليق.
مثل طفولتك بالضبط اخواني كذ ا يعايروني وعادي ومساله تحطين مكياج وتهتمين عادي انا اشوفه افضل من الاهمال انا اشوف بنات ماسالله مكياج وكل شوي يعدلون من اشكالهم اتمنى اهتم بنفسي مثلهم بس انا مااحب كل شي ع الماشي
اعملي جلسات تحرر من مشاعرك القديمه
وتمارين تعزيز للثقه بالنفس
راح تاخذ وقت شوي بس راح تفيدك كثير ..
وتمارين تعزيز للثقه بالنفس
راح تاخذ وقت شوي بس راح تفيدك كثير ..
انا نفس حالتك بس ماحد كان يعايرني
بس ماعندي ثقه بنفسي والكل يقول عني جميله وينبهر فيني بس من داخلي اقول لا ماني حلوه
بس طبعا مابين لاحد ولا اسال احد عن شكلي
بس ماعندي ثقه بنفسي والكل يقول عني جميله وينبهر فيني بس من داخلي اقول لا ماني حلوه
بس طبعا مابين لاحد ولا اسال احد عن شكلي
الصفحة الأخيرة
أنا قد سمعت وحده كاتبه لوحده عندها رهاب من الإذاعه فالمدرسة مدري مخاطبة الجمهور المهم قالت لها المدربه اجمعي وسايد او علب عندك فالبيت وصفيهم قدامك وتخيلي انهم جمهور وتكلمي وتدربي عليهم وممكن توترين وبيجيك خوف! وهم جماد لين ماتتعودين وتصيرين قدام البشر مااتخافين ولاتتوترين ، انتي يابعد قلبي كلمي نفسك عطي نفسك كلمات حلوه كلمات مدح لشكلك لمكياجك لذووقك امدحي نفسك بصووتك سمعيه اذنك قولي ياجمالك يا(اسمك) انتي بتكونين اجججمل وحده فالعزومه انتي يا(اسمك) الله يكثر من أمثالك طيبه اخلاق فدييييتك بسم الله عليك وهكذاااا واطلبي من زوجك يمدحك وتدريجياً عقلك بيتبرمج على ماقلتيه انتي عن نفسك وبعدها الله يستر لاتسيرين شايفه نفسك😅 بعد عمري ترى حاسه فيك😪💕