طفوله متاخرة

ابدخل بالموضوع على طوووول ماعندي وقت .
اختي عمرها يمكن 17 سنه بصف ثالث ثانوي .. حلو الكلام ؟؟
من زماااااان وهي تحب افلام الكرتون .. شي عادي جدا .. متعلقه فيهم لأقصى درجه ..
كبرت البنت ولكن تعلقها بأفلام الكرتون لازال .. حتى انه يزيد .. غرفتها مليانه صور ومجلات وافلام فيديو لجمييييييع المسلسلات الكرتونيه وتدور بالنت مواقع افلام الكرتون وتطبع صور الشخصيات..
حافظه جميع اسماء الشخصيات .. بنات واولاد ..
اذا لقيت اي ورقه بعدها القى مكتوب فيها اسماء شخصيات افلام كرتونيه او اسماء مسلسلات كرتونيه ما اقدر احصيهم لأني ما اعرفهم كلهم .
:30: اذا فتحت اي دفتر لها القى فيه قصص من تأليفها تحتوي على اسماء شخصيات كرتون .. سالي - مارك - ماري - باسل -- ....الخ والله ما اقدر احصيهم من كثرهم ..
طبعا محتوى القصه مشابه لقصص مثل ليدي وساندي بل وسالي .. وطقتها ..
:32:
طبعا تعلقها بأفلام الكرتون وقصصه خلتها ماتهتم بنفسها وتصرفاتها .. ماتعرف تتصرف بأي موقف ما ترد زين على الناس حتى لو رن التلفون نخاف احيانا ترد رد مضحك او شين على احد من الاقارب ..
عصبيه -- دائما تبكي -- دائما مكشرة --ومادة بوزها شبرين ..
اوو نسيت اقول لكم انها تحب الافلام الهنديه موووت لدرجة انها تغني اغاني هنديه ...

المهم اخواتي وعزيزاتي كلمتها كثير عن الموضوع هذا وانها لازم تكبر وتعرف كيف تتصرف وترد عالناس زين وماتتكلم كثير بالمجالس بس تستمع وترد اذا كان فيه مجال للحديث او الرد عشان تنتبه وتدرس كلامها قبل ترد .
كلمتها على اهتمامها بشكلها وتعلقها بافلام الكرتون ولكن لاحياة لمن تنادي :30:
تعبت معاها .
كلموها اخواني تقول لهم انا كذا ما ابغى اتغير ما ابغى اكبر انا احب كذا .
طبعا اخواني يكلمونها بشويش مو بهواش نبي طريقة نتفاهم معاها عشان تكبر عقلها شوي وتترك خرابيط البزران ..
انا ما اقصد انها ماتشوف افلام الكرتون . كلنا نطالعها لكن مو لدرجة الادمان والتعلق .. والتأثر فيها ..
المهم طولت عليكم حبيباتي ابي احد يشوف لي صرفه مدري وش اسوي معها ابيها تهتم بشكلها لبسها تشتري اشياء لها اكسسوارات ملابس شنط اي شي ... بس مو دفاتر والعاب وصور كرتون وافلام كرتون .
تصدقون انها تقعد لحالها العصر قدام قناة سبيس تون تتابع مسلسل ابطال الديجيتال والا كوكب البنات حق افلام كرتون حقات البنات والله مقهورة عليها انا .
ابيها تخفف مو راضيه تكبر مو راضيه وش اسوييييييييي معها عطوني حل رجاااااااااااااااااااء :30: