شوفي حبيبتي...
أنا من كم يوم كنت أتمشى في طريق العليا ( أعتقد أنه العليا ) لاني بصراحه الخبط بين طريق العليا وطريق الملك فهد...
بوصفلك أكثر... لما تكوني متجه من الجنوب إلى الشمال وتجيك أولا الفيصليه على يسارك ثم تجيك المملكه على يسارك أيضا.... أعتقد إنه هو طريق العليا .... لان طريق الملك فهد بتكون الفيصليه والمملكه على يمينك....

المهم لماتتجهين من الجنوب إلى الشمال وتجيك أولا الفيصليه ثم المملكه على يسارك أمشي على طول إلين تصير أسواق الأندلس على يسارك بعد ماتمشين بشوي راح تلاقين على يمينك محلات تبيع ملابس أطفال تتراوح اعمارهم من 0 إلى 12 سنه تقريبا....

بصراحه أنا ماني ذاكره أسماء المحلات بالضبط بس أعتقد أنه أسمه ( الأخوين ) و( النورتين) والمهم إذا ماكان هذا اسماء المحلات بيكون قريب منهم...

أنا رحت للمحلين اللي ذكرت أسمائهم .... ولقيت عندهم أطقم جناااااااااااااااااان:32:
في أحد المحلات يقولك لازم تأخذين الطقم كاااامل... وهو عباره عن
سرير للام + مفرش للأم + سرير للبيبي يكفي إلى خمس سنوات + مفرش للبيبي+ دولاب البيبي + زنبيل للبيبي+ مدس ومفرش صغير ومهاد للبيبي + علبه لوضع المناديل+ زباله + سله للحلويات......
هذا كله طقم ينباع سوى ويجهزه لك خلال 3 ايام بالكثير ولك حرية الأختيار بنوعية القماش ..... سعره بــ 2400 تقريبا .... وهو عرض لمده محدوده وبعد كذا راح يرجع سعره الأصلي وهو تقريبا بحدود 3500

أما المحل الثاني وهو على ماأعتقد انه ( النورتين)
عنده بعد تفصيل ولك الحريه في إختيار اللي تبين يعني مو لازم تأخذين الطقم كامل كلا بسعره وهو ارخص من الثاني

يبيع سرير الام حسب الطلب+ المفرش حق الام+ سرير لطفل بس مره صغير+ مفرش البيبي+ دولاب البيبي+ علبه للمناديل + زباله + سله للحلويات + زنبيل للبيبي+ مفرش صغير للبيبي+ شنطه للبيبي+ غطاء لرضاعه+ قميص للأم+ طقم ملابس للبيبي.....
وهذا بعد جنان وتختارين زي ماقلت اللي تبين ونوعية القماش ويخلصه لك بعد 3 ايام بالكثير..... وسعره ارخص من اللي قبل بكثير.....

هذا للي أقدر اوصله لك وإنشاء الله يكون وصفي صحيح.....:27:
وأي خدمه ثانيه أنا جاهزه:26:

عزيزتي والله نصيحه روحي لاسواق بن دايل في محلات متخصصه بتفصيل هذي الاطقم وكمان القماش الي تبين وتزودين وتنقصين على كيفك تخيلي بس ب800 ريال فقط
واذا فاصلتي اكثر معهم لانهم افغانيه راح تحصلين احلى طقم ب500 تخيلي زوجي كذا سوى معهم فاصل الين نزل الى افضل سعر والي يبيه وعلى فكره ترى الاطقم الي برياض مو والي بالعثيم مول تفصل عندهم نفسها بالضبط ولكن تنباع ب2000 وكمان اكثر تخيلي شوفي الفرق بس .
ترى مافيه اكثر وحده مني لفت السوق تدور هالشغلات
وسلامتك وتقومين بصحه وعافيه انت والنونو
وعلى فكره عندي مره قحطانيه تشتغل هالشغلات وكمان ستاره للغرفه فقط 800ريال خيال شغلها هي وخدامتها فلبينيه :26:


تحياتي لك :27:

اهلين اختى ومشكوره ما تقصرين ..

وجزاك الله الف خير ..


وانشاء الله تقومي بالسلامه ..

الا قولي لي اختى انتى باي شهر .