من سيدات الوطن :

اذا دخل البيت لاتعطينه وجه اتأخرت كنت انتظرك خفت عليك ابد رد السلام رديه ولا ولا قولي اهلين وابتسامه وبس وكوني مرتبه مو تكشخين وكأنك رايحه مناسبه لبس نظيف وريحتك حلوه و بيتك نظيف بس فيه شغل ماسويتيه لما يجي تشتغلين فيه كوي مثلا تنظيف الثلاجه اي شغل لاتسولفين ولاتسألين عن احد ولا من اتصل عليه اذا احد دق على جواله وحتى مكالمات في يومك اذا لاتتواصلين مع احد اذا شيء ضروري رسايل وكلمة وردغطاها وانشغغغغغغلي عنه حطي قهوتك عنده واتركيه خليه يشتاقلك الرجال يموت في الحرمه الي ماتعطيه وجه يلاحقها ولاتقولين له اخبار حتى اذا قالك شيء قولي شفته خبر في توتير في اي مكان لاتنقاشينه وتعطينه تفاصيل كل شيء اهمليه والله ليدورك ايناديك يحاول قد مايقدر يكلمك يفتح معاك اي موضوع حتى لو ماعندك شغل اقري قران اقري كتب والله يعجبه انك مهتمه بنفسك وصدقيني ماتزوجك وعلى زوجته الا في شي ماحصله عندها وجاي يدوره عندك عطيه احساس الا مبالاة الا مثلا صار تعبان مثلا مزكم سويله شيء دافي بيني انك مهتمه فيه عشانه مريض وبس واذا بتكلمينه في موضوع ضروري وهو مايبغى اومتنرفز اتركيه لا تقعدين تزنين عليه عشان يوافق الرجال بالذات بالعكس يرفض اذا شافه انه ماهو بهذاك الاهميه وانتي ازعجتيه بيقول في نفسه تافهه وماعندها سالفه ولاترسلين عليه احبك ومقاطع قليل جدا ترسلين عليه عشان يشتاق لها اذا ترسلين دايما تصبر فيها سماجه وانك خاقه عليه اذا رحتي عند اهلك لانكلمينه وينك ماتتصل ماتسأل علي لا خليه هو يدورك وحتى اذا ارسل عليك لاتردين كانك ميته عليه ردي بالليل وقت هو رايق وادا شفتيه طول في الكلام واشتقتلك ومن هالكلام عطيه على جوه بس لاتكثرين قولي بروح انظف بشرتي وحط كريماتي عن اذنك وربي مايخليك عندهم زين تكملين المده اللي حددها لك

اذا دخل البيت لاتعطينه وجه اتأخرت كنت انتظرك خفت عليك ابد رد السلام رديه ولا ولا قولي اهلين...

lome_1996 :

انا اعلمك هو قصده لا تلصقي فيه خليك مستقله بنفسك مو اقولك اسحبي عليه لا بس خلي لك جوك عيشي حياتك انتي مو تعشي عشانه ! فكري بنفسك وبسسسسس حبي نفسك قدامه وضحي انك شي كبير زعلك بشي ازعلي ! لا تكثري هرج ترى كثرة الهرج والنقاش والهواش يقلل من قيمتك وقدرك سوا شي خطأ قولي كلمتين وازعلي ! لا تصيري خفيفه بكلمه كلمتين يرضيك حسيتي شي قلل من قيمتك لا ترضي يصير ابداً مو عبايه تعانديه ومدري وش انا اقصد لما مثلاً هانك بكلمه او صرخ عليك لا تقعدي تقرقري قولي له معليش صوتك اول شي لا تعليه علي احترمني وخلي كلامك حاد تبغى نتكلم مع بعض نتكلم بس اذا انت تصارخ كذا معليش انا مارضاها على نفسي لما تكون هادي تعال كلمني وامشي خليههه مع نفسه اذا حسيتيه زعلان من شي ماله داعي تكوني بحلقه وش فيك انا مزعلتك وتنشبي لا غلط قولي فيه شي مضايقك اذا قالك لا قولي طيب واتركيههه تابعي مسلسل سويلك قهوه اي شي الهي عنه زعلتيه بشي اعتذري منه واتركيه اذا قام يقولك انتي زعلتيني ويقرقر قولي هذا انا اعترفت لك بغلطي وبتركك على راحتك بهين نفسي زياده ليه ؟ اذا بيوم منفس ماله داعي تحسبي نفسك سويتي شي او غلطتي اهم شي ماغطلتي عليه خليه يرضى من نفسه لا تقللي من نفسك وتقولي له انت ليه ماتقولي كلمه حلوه ليه ماتنام معاي ! اذا جبتو طاري هالاشياء قولي والله انت مقصر بس طبعاً مابقعد اترجى فيك ذا الشي اذا ماجا من طيب منك ماراح اطلبه قاسي مخليتك على راحتك اهم شي اني مو مقصره بحقك ولا تقولي له انا اسوي واسوي وانت ماتسوي بالعربي خففي عتاب واثقلي وعيشي حياتك جا قومي بحقوقه واضحكي حسيتي الوقت مناسب لسوالف سولفي معاه دلعيه بحدود لا تصيري كل يوم ! يمل اما راح وطلع باي هنا عيشي لنفسك لا تقارني بينك وبين زوجته الاولى مره عشان مايشوفك وحده ماعندها ثقه بنفسها دايم وضحي له هي لها شخصيتها وانا لي شخصيتي لا تقعدي تقولي هي مكفيتك ومدري وش يرصخ بباله ! قولي هي زوجتك وانا زوجتك وكلنا لنا حقوق وكل وحده عايشه لنفسها وخلصنا كثرت هرج بس ابغاك تكوني احسن

انا اعلمك هو قصده لا تلصقي فيه خليك مستقله بنفسك مو اقولك اسحبي عليه لا بس خلي لك جوك عيشي حياتك...