السلام عليكم
اخباركم حبايبي ؟وش مسوين مع تعديل النوم
بمااني متزوجه لي تقريبا ٨ شهور لي طقوس يوميه لازم اسويها اذا صحيت وقبل النوم وبفترة العصر اوبعد صلاه المغرب
من طقوسي اليوميه بماايخص العنايه اذا صحيت اغسل بشره وجهي بغسول وارطبها بكريم مناسب لنوع بشرتي وارطب جسمي بلوشن واحط بيبي كريم وتنت وردي خفيف واذا رايقه احط كحل اسود سايل ارسم ايلاينر مع مسكره ايسنس الخضراء ترونها جميله جدا هالمسكرة مدري ويني عنها من زمان ههه واللبس مخصصه لكل يوم البس شي يوم البس تنورة وبلوزه ويوم بنطلون وبلوزة ويوم البس فستان ناعم واتعطر لازم العطر عندي شي اساسي ومهم مع زيت عطري مسك وامشط شعري واحط اكسسوار بالشعر+
اما بالليل نفس الجدول حق العنايه بالبشرة بس استثني البيبي كريم عشان اريح بشرتي والبس بجامه او روب قميص للنوم مناسب مع العلم ان عندي لانجريات كثير بس ماااحس احب البسها ارتاح اكثر بقمصان فخمه بدانتيل اويكون فيها شغل وي قمصان النفاس نفس النوعيات هذيك مع العطور والتنت لازم منه
اما بما يخص الروقان والقهوه فترة العصر شي اساسي معودة نفسي وزوجي على هذاالشي اني اجيب حلويات واسوي دله القهوه واحط التمر مع البخور هذا طقس اساسي بالنسبه لي وعودت زوجي على القهوه والبخور والجلسه للقهوه
مع العلم هذي الفتره طايحه بالنسكافيه لان ودي اعدل نومي ي بنات لي ٤ سنوات اسهر بالليل وانام بالنهار مااصحى الاالساعه٥ المغرب واحس نظامي هذا اثر على حياتي الزوجيه من ناحيه زوجي يجلس لوحده لحد الساعه٥ العصر الين مااصحى من نومي مع العلم انه حمدلله شخص غير متطلب مايصحيني ولايقومني اطبخ اواسوي وجبه غدا ماشاءالله ولايصحيني الا عشان اصلي ماشاءالله تبارك الرحمن وارجع اناام بس عدلت نظام نومي عشان زوجي وعشان الخدامه برضو لاني لاحظت انها ماتنظف البيت كوويس ولاتهتم بنظافه البيت اذا كنت انام لحد ٥ العصر واحسها تسرح وتمرح ببيتي ونانايمه فصرت اشد على نفسي واحاول اضبط نظام نومي
علماان نومي ماتعدل زين لحد الان اقوم واسحب نفسي سحب من السرير عشان اصحى واقوم والمشكله اني مخططه بالليل انام ولمن يجي وقت النوم الساعه١٢ بالليل مايجيني نوم لان جسمي اتعود على السهر بالليل تبرمج جسمي على كذا عاد الان اسوي له فورمات واحاول اضبط الاعدادات من اول وجديد وبس والله
انتم اعطوني نظامكم وطقوس منكم محدده سواء للعنايه اوللاهتمام بالذات والنفس وزي كذا يعني
يلزم عليك تسجيل الدخول أولًا لكتابة تعليق.
هيله زعلانه
•
وينكم ي بنات معقوله ليش مافي تفاعل كذا ؟!
ماشاء الله برنامج روعة ربي يسعدكم ويخليكم لبعضماشاء الله برنامج روعة ربي يسعدكم ويخليكم لبعض
امين ويسعدك يارب
الصفحة الأخيرة