امس كنت في زياره لوحده من قريباتي دار بيني وبينها حوار عن البس برات البيت قلت لها بعض النقاط الي من 8 سنوات تقريب اتبعها ولقيت فيها راحه نفسيه وجسديه
بصرحه حطمتني
واحرجتني بردها ؟قالت اني معقده وادعي المثاليه وغصب طيب اكون منظمه ومرتبه حتى لو وصلت لمرحت التعقيد .
انا بقولكم طقوسي الي اتبعها في حالة الخروج ( لسوق او مستشفى او سوبرماركت او مدرسة اولادي ) وانتو احكمو صحيح انا مريضه
1- ما احب اطلع بساعه كبيره والماس وشي يلفت ساعتي من 4 سنوات فندي جلد اسود وصغيره مبدئي انا بشوف الساعه مو بستعرض وش عندي الماس ولا ابي البس ساعه حائط الكل يمر ويشوف الوقت في يدي
2- محدده لي تنوره سودا وبنطلون اسود وبني للخروج البس تيشرت قطني في الصيف والشتاء بلايز شتويه اكره اطلع بقميص البيت هو اسمه قميص بيت ومش قميص بيت وشركائه بالخرجه خاصة اكثير مننى يلبسو قمصان قصيره من نصف الساق وما فوق بالبيت وكمان الوان قمصان البيت دائم زاهيه ومولنه ما احب اذا مشيت تطلع انواع الالوان اشي احمر وشي اخضر والفوشي والاصفر ناهيك عن الريحه تطلع الوحده من البيت بقميص البيت ريحته طبخ وتعرق وترجع اتحدى اذا راح تتروش على طول الا من رحم الله تجلس بالعرق والطبخ والريحه لين يجي :arb: وبعدين تقول زوجي ما يحب يجلس معي ولا بيتزوج (( انا ما اعمم انا اخص البعض وكلنا عارفين بانه في بعض النسوان الله يهديهم مهملات ))
3- ما احب البس خواتم في يدي ولا احب اطلع واضافري مصبوغه لازم اشيلها لو حتى علي الدوره الله يعزكم
4- عبايتي ساده البس عباية كتف واسعه وفوقها خمار الى نصف الفخذ ونقاب بس كل شي ساده ما احب الوان او تتطريز واكره العبايه الي تجر من تحتها وكانها طرحة عروس سواء كتف او راس مكنسه من الخلف تجمع كل الوسخ والقراطيس الي في الشارع
5- ما احب اطلع بدون شراب في رجلي لو في عز الصيف لازم جزمه واطيه وشراب اسود خفيف في فصل الصيف وفي الشتاء شراب ثقيل وجزمة رياضه اكره الجزم الكعب العاليه والوان وشك واشكال ما تقولي رايحه مستشفى الا زواج لما تتعودين تخرجين لسوق والا المستشفى بجزمه فلات وشراب راح تحسين براحه لظهرك و رجولك وتقل الافرازات معك يعني صحيه قبل لا تكون منضر حلو
6- الشنط اممممممممممممم انقهر من الي تجي بشنطه صعنونه كانها شنط البنات الصغار في العيد وكلها شك وخرز وتطريز
مخصصه 3 شنط للخروج حجمها متوسط لاهي كبيره ولا ه صغيره وحده سوداء وحده بيج مع بني وحده بيج (( وكلهم ماركات لانسان يحب يكشخ كمان بس يكشخ بذوق وما ياذي عيون الناس بالشكشك والخرز ))
7- اكره احط كحل ولا ماسكاره رايحه لسوق وحاطه طن ونص مكياج ليه ولا هيه عدم ثقه بالنفس وحب لفت الانتباه .
الي خلاني اقولها طقوسي انه اتكلم معها عن الاشكال الي نشوفها بالسوق والمستشفيات البس غريب فاهمين الموضه بشكل ثاني والتطور عندنا بالاحمريكا والاخضريكا والشك والشوارفوسكي والكعب العالي
رحت للمستشفى يوم الخميس وشكيت اني في رمضان واني في مستشفى
وربي يا جماعت الخير العطور تفك الراس ما عليش النظافه كويسه بس النار حاره الواحد يعمل ويقول يا رب رحمتك
العبايات الوان يا عالم يا هوه العبايه الملونه للزواجات مش لمستشفى مش من الصباح تنلبس باليل فقط
الغريب انه شفت وحده والله الذي لا اله الا هوه لابسه عباية راس وعلى كمها شك كبر راسها على شكل عين زرقاء ونازل منها سلاسل كرستال طيب لابسه عباية راس وشك ليه مش لانك ما تحبي عباية الكتف ولا انها حرام لا مجبر اخاك لا بطل ممنوعه منها فا تفكي حرتك بالشك وتشوهين عباية الراس وتاذين عيون الناس
اعرف وحده زوحها مانعها من عباية الكتف وقالت له طيب البس على الراس بس اسوي الوان اقلها لو تبغين تفصلي عباية حمراء كامله بس على الراس ما عندي مشكله بس عبايه كتف لا ؟؟؟؟؟؟ ما همه لفت النظر اهم شي راس
الجزم ابغي اعرف شك وخرز في المستشفى ليه كعب عالي ليه والله بعضهم صوت الجزمه كانه دق هاون طق طق طق طق وارجال يلتفتو ولما اقبلت الا وزنها يجي 170 احس الجزمه في رجلها تبغاء تبكي
تقول ارحميني الله يرحمك :icon33:الخواتم كبيره والوان معقوله تطبخ فيها ولا لبستها قبل الخروج ؟؟؟
الاضافر الوان وكلها الون الفسفوريه الي طالعه الان الي تخلي اليد كانها يد طقاقه خخخخخخخ ولا كانها مضرابة هريس محروقه ووععععععععععع
وبعضهم يدينهم تاكلينها من نعومتها وبياضها ما شاء الله وحاطه فيها صبغه زايدتها جمال
الشنط كمان شك ولا صغيره نتوفه تلقين مافيها الا منديل والجوال بيدها تستعرض فيه اساسن ماله مكان في الشنطه من صغرها
الكحل والعدسات حدث ولا حرج والله فيه بنت وربي انا الحرمه انفتنت في عيونها من جمالها عدسات عسلي وحاطه كحل خفيف وبس موزعته بشكل يدوخ والماسكارا فارده الرموش فيها وربي وربي وانا صايمه من غير شعور فكيت فمي فيها وانا بنت زيها
الي ابغي اعرفه المستشفى ما احد يدخله الا تعبان مش زي السوق والملاهي طيب التعبان عنده وقت يتكشخ وكحل وخواتم ومناكير
عمومن انا ابغاء اوصل له انا معقده :icon33:
الرجاء الردود على الموضوع مش تجي وحده داعسه الف ومسويه بحث في قوقل عن عباية الكتف وحاطته لي ادعيلي بالهدايه احسن انا البس عباية كتف بس الله يعلم انها ساتره والخمار مغطي كل جسمي واحسن من كثير من الي يلبسون عباية راس شك و الوان وانا عارفه كثير في المنتدى يلبسون عباية كتف وكمان ساتره او ملونه بس اتحد اغلبهم ما يقدرو يقولون يخافون من الهجوم