انا مع كلام اخختي 22MISS F0F0

روحي لمحلات الجمله ارخص من السوبر ماركتة
اذا كنتي بالرياض روحي لمركز ثلاجه النسيم خوذي بالكرتون ارخص واوفر

طيب لما تطبخين تاكلونه كله والا ترمينه؟
يعني انتو ثلاث اشخاص نص علية المكرونه تكفيكم والنص الثاني للمرة الجاية

شكلك متعودة تاخذين انواع معينة مثلا الجبن كيري لازم كيري
عندك جبن المراعي ارخص وممكن المثلثات تفي بالغرض

الحليب نيدو جربي نوع ارخص
الطائي مثلا حلو ورخيص

النستلة خذي انواع ثانية ارخص

القشطة مو لازم التاج خذي اللي تجي بالعرض

انتي روحي بنده او اي سوبر ماركت تحبين وشوفي عروضهم وخذي من العرض
المكرونة الزيت القشطة الزيتون الصابون

بشكل عام المنظفات انصحك تروحين اما محلات البلاستيك او محلات الكماليات وتاخذين منظفات كاملة
صابون مواعين صابون يد صابون ملابس مطهر ارض بخاخ للمطبخ كلوركس فلاش اكياس سفر
وهالاشياء عاد ما بتخلصينها بشهر بتبقى مع شهرين ثلاثة وممكن اكثر اذا بيتك صغير

الغسيل لا تشغلين الغسالة كل يوم
جمعي غسلي كل اسبوع شخص
يعني ملابس الشخص الواحد تتجمع لمدة ثلاث اسابيع لو غسالتك كبيرة وتتحمل كمية
لو كانت صغيرة جمعي اسبوعين
وهكذا
بتوفرين صابون وملطف ملابس

جربي هالشهر وتعالي بشرينا

دعواتك

ذكرتوني بصديقتي تقول الحلى الي يتعدى طلاباتة 11 ريال ما تأخذ طريقة
الله يساعدها صادقة الجاهز أوفر

الرز والسكر اكيد خياش وسط بتكفيكم شهرين
كرتون دقيق كويتي
خيشة دقيق بر
الشاي كرتون يكفيك اكثر من شهر
الزيت والحليب البودره بالكرتون احسن لك
الفيري خذي العلب الكبيره واالمطهرات اخذي العروض 3 علب بسعر حلو وتكفيك
الصابون خذي الاكياس الكبيره
الجبن الكاسات خذي كرتون من الحجم العائلي ب135 بس
والقشطه بعد بس انا اخذ شده يمكن 6 حبات بس ماأذكر سعرها ( لا تكثرين حلا ) اخذ الساده والفراوله
والتونه نفس الشي شده والجبن الكرافت شده والجبن الشرائح العلبه الكبيره
والزيتون العلبه الكبيره ب100 ريال تاخذ بك شهرين او اكثر تاكلين منها لين تشبعين
والمربئ اخذ الي بالكيلو حق شهر وسعره حلو
الدجاج خذي كرتون وخليه يقسمه لك الصدور لحال والأفخاذ لحاله والاجنحه بعد كذا او فر لك من الي بالسوبر ماركت
وبالطبخ شكلي ونوعي موتسنترين على نوع واحد
والمكرونه انا أخذ 3 علب من كل نوع
والشعيريه نفس الشي
وشدة صلصة طماطم تكفيك شهر وعلبة مايونيز وكتشب كبار
والبقوليات اشريها حب من العطار واطبخها وافرزنها اوفر واطعم من المعلب
والبازلاء والذره المجمده أخذ أكياس كبار
ونصيحه لا تضيعين المصروف على الحلا ترا خرابيطه كثيره ونار
النستله سويه بالبيت وبالمنتدى طرق كثيره
وبعد في طرق بديل القشطه
وأكياس الزباله والسفر والغلاف النايلون والقصدير والمناديل ومناديل الرول خذيها من محلات الجمله اوفر من السوبرماركت بكثير
وكذا ممكن شهر تدفعين 1000 والشهرين او 3 اشهر الي بعده بتدفعين اقل
الهمبرجر سويه بالبيت احسن واطعم من المجمد
والله يسهل امرك وتصيرين مقتصده

الاخوات قالو الكثير لكن ابغى اضيف لك شي مهم ان الشراء بالكرتون ما راح يفيدك اذا كنتي ماراح تعملي كنترول على استهلاكك
بمعنى ممكن تستهلكي قشطه اكثر لانها موجوده بوفره وممكن لو شريتي بالحبه ( 10 حبات مثلا في الشهر) تضطري تستخدمي الموجود فقط
فالكرتون لايعني التبذير ولكن التوفير لاطول فتره ممكنه واعملي تحدي لنفسك

اذا كنتي في جده ساكنه اشتري من متاجر السعوديه اسعارها راااائعه
او اسواق المستهلك في مكه