الله يعين

طيب يابنات انا في شرق الرياض اعطوني محلات اقدر اخذ منها اغراضي من منظفات ومواد غذائيه غير العثيم ((ميزانيتي 800))حاطها زوجي ويبي يختبرني هالشهر


امانه لاتهملوني

لا انت مبذره ولا شي
بالاول من عيله لعيله تختلف
الثانيه اللي يقضون ب600و800ميه,,تلاقينهم كل ليله والرجال رايح,,يجيب شوية اغراض
لو حسبتيها بتطله اكثر من 1500
وزوجك لاتقولين له فلانه مقاضيها هالكثر ,,وعلانه هالكثر
جيبي اللي انت تبين,,اهم شي مايروح للزباله
ومواد التنظيف انتبهي تاخذينها من العثيم وطقته
عندك رامز,,,وغيره

اف اف وش ذا بتفتحين بقاله ولا ايش
بنات تقدرون تستفيدون من العروض الي ينزلونها
ومو لازم كل ماشفتي شي حطيتيه في العربانه
اتمنى ماتزعلو مني بس كل شهر بالف ريال حرام والله وش بقى لي ولعيالي
روحي محلات الجمله خذي منضفات واكياس زباله وسفرة الاكل
واسفنج وسلك وشامبو شعر وجل للجسم بالكرتون بتكلفك الف ريال بس بالمقابل بتكفيك سنه كامله
وكل شهر حددي مبلغ معين لااغراض البيت ماراح
تكلفك خمس ميه وبكذا تقدرين توفرين
ويابنات فكرو قبل ماتاحذو شي هل انتي محتاجته ولا لا اتمنا اني افدتكم

حنا خمس اشخاص >> منهم اطفال
المقاضي بعد الغلا استهلك 800 اذا البيت مررره مصفر
وآخذ من ماركات معروفه الا اذا لقيت بديل بنفس الجوده
يعني ما اتنازل عن الجوده مقابل السعر
بس فعلاً فيه منتجات اقل شهره وارخص ثمن وبنفس الجوده
انصحك بالصدقه فيها مفعول السحر في طرح البركه
ضروري الواحد يكون محدد اللي يحتاجه ويكتبه بورقه علشان يسوي كنترول على نفسه
طريقة الاظرف ممتازه بتنظيم الميزانيه وتفيد كثير اذا ابي اوفر مبلغ كويس عن تجربه

احنا 6 انفار وشغاله ونقضي بحدود ال 800 و ال 600
الحمدلله