ياقلب لا تحزن :

مواقفكم مضحكة وذكرتني بموقف أليم الله لايعيده كنت بالثانوي ايام الاختبارت النهائية على نظام اختبارات الوزارة >> مغبرة حيل :) ومعروف اختبارات الوزارة كانت تحتاج مجهود وطبعا كنت أسهر طول الليل عالمذاكرة وأيضا الفترة هذيك كانت أمي الله يطول بعمرها في فترة نفاس وتعرفون الزيارات اللي ماتنقطع والناس داخله طالعة وترتيب وتنظيف وحوسة هم اختبارات وهم ضيوف مدري كيف نجحت هذيك السنة المهم كان عندنا اختبار مادتين صعبات يومين ورا بعض الثلاثاء والاربعاء فكان نومي قليل جدا مجرد غفوات ورجعت من المدرسة الاربعاء بعد الاختبار وانا ماشوف الطريق واحط راسي وانام بعمق لدرجة نمت بمريولي جا العصر وكالعادة جو حريم يقهوون أمي وتخيلوا أنا نايمة بالغرفة اللي مجهزينها لاستقبال الضيوف على السرير اللي حاطينه لأمي :) ودرعموا فجأة وأمي حاولت تقعدني لكن عبث ماحسيت بشي كني ميته وآخر شي استسلمت أمي وتركتني وقعدوا الحريم يتقهوون ويسولفون متحلقين حول السرير وهات ياسوالف ويوم قرب المغرب انزعجت حسيت في صجة وفجأة كذا فتحت عيوني اشوف عالم قبالي ووجيه غريبه احسب اني احلم وارجع اغمض عيوني وافتحها واشوف المشهد ماتغير ياإلهي وش هالورطة وقعدت افكر وش اسوي احاول اسوي نفسي نايمة ولا أقوم وتنتبه لي وحده من الحريم الله يذكرها بالخير وتنفخ علي تقول خلاص يلا قومي ساعدي أمك .. وأنا ياعمري قمت أفرك عيوني بوسطهم واطلع مدري وين اروح وش السالفة اطلع من الغرفة وألقى وحده من البنات تسلم علي وتسولف وانا مطيرة عيوني والكشة طايرة وبمريولي :06: وحالتي حالة والبنت تسولف وانا احاول ابتسم لكن عبث ودي اصيح وقعدت مع البنت بالغرفة الثانية هي تسولف وانا ساكته من الفجعه لا وبمريولي هههه واستنيت لين راحوا وانسدحت بنفس مكاني ونمت هههههههههههه

مواقفكم مضحكة وذكرتني بموقف أليم الله لايعيده كنت بالثانوي ايام الاختبارت النهائية على نظام...