طلاقي افضل ام العيش معه

السلام عليكم
حبيباتي ابغى رأيكم اتمنى الي ترد ما ترد الا بعد تفكير .
انا تزوجت واحد من ثلاث سنوات انا كنت 31 وهو 29 يعني اصغر مني بسنتين بعد الاستخارة وافقت لاني كانت فيني عين قوية تصد العرسان عني فذيك الفترة كنت ارقي نفسي بشدة وكنت ادعي ربي لا تذرني فردا وانت خير الوارثين المهم حصلت عدة خطبات لي مع الرقية ولكن اخترت هذا. والحمدلله على كل حال. المهم كان حنونا مؤدب جدا معي لكن عيبه فقره وانا موظفه والحق انه نفذ كل طلباتي قبل الزواج وكل الشروط .
المهم لما تزوجته تغير على طول كثير الصمت شكاك يدخل علي البيت فجاءه . يبغى يعرف كل شي في جوالي انا قلت يمكن بس بيتاكد . انا الحمدلله ملتزمه و مليحه بشهادة الجميع والي يشوفني يعطيني اصغر من عمري بخمس سنين حتى هو قال. المهم بعد ما حملت منه وبقدرة قادر اكتشفت قلة ادب في جواله فتحته بالصدفه صور بنات . طلبات اضافة من حسابات اباحية . رقم مسجله لوحده «عاهره»' حاط رمزيات صور له حب وما حب وطالب بنات للتعارف. انا في البداية كلمته بكل هدوء. قلت له امسح الاشياء هذي شكلك متعود عليها قبل الزواج . طبعا في البداية ينكر واخر شهور حملي عذبني عذاب جفاء وصدود وطول الوقت على الجوال اصرخ أتكلم مافي. حسيت كأنه يسوي هالشيء لا اردايا مو داري عن نفسه . تقولون لي ليش ما تطلقتي لان بيت اهلي عذاب والسبب الثاني وش اقول سبب طلاقي ما ابغى الفضيحة لبنتي ولعلمي انه ما وقع في الكبيرة هو يضيع وقته السخيف . المهم بعد ولادتي خليته يغير البيت وغيره نقلنا حي ثاني بعد عن الناس الي كان يخرج ويتركني لحالي بسببهم. طبعا مع الايام اكتشفت البكاء الي بكيته من اول ما تزوجته ما نفع معاه غير حطمني لان زوجي ضايع بكل معنى الكلمة يادوب يصلي ولا يدخن وبزواجي منه تركت اشياء حلوه كثيره من قيام ليل وصيام. وفتحت ايميله لقيت أشياء وصخه ايميلات من مواقع مسيار. المهم ثرت وكسرت جواله وخبرت اخته الي انصدمت انا اعطيتها خبر عشان لو تطلقت ما تلومني لانهم مدحوه لي طيب ومدري ايش. بعد ما عرف ان الموضوع راح يوصل ابوه اقسم لي ما يكلم حرمه و وقعته ورقه لو لقيت له اي محادثات يطلقني وما ياخذ البنت انا اربيها.
من هنا انتهينا وحسيت من جد انه ترك سوالفه كم شهر.
قبل كم اسبوع لاحظت عليه بدا يناظر ويقزقز بجراءه . وسويت عزيمه في استراحة لاهله تخيلوا صار يخرج ويطلع كل شوي عند الحريم يعني مره أنادي اخته ومره بنته. انا خليت اخواته يشوفون وسمعتهم يصارخون عليه إلين ما نادوني حريم اخوانه يقولون لي شوفي زوجك شكلنا اعجبناه يناظرنا كل شوي . اخذت الجوال بعيد وهددته ما تستحي تضايق الحريم ومالقيت غير حريم إخوانك . المصيبه انه ياويلي لو احد يشوفني يقوم الدنيا علي يعني يعرف العيب. انا مره استحيت منهم وجهي في الأرض.
الرجال مو شايفني شي ماعنده غير يتفرج في الحريم قلت له مانت شايفني شي لو ملكة جمال مادام عينك تشوف كل شي.
يا بنات انا في زواجي منه كل شي انا اصرفه علي وعلى بنتي والبيت هو بس أجار وكهرباء
هل اعيش معاه واصبر ولا اتطلق و ارجع لامي الارملة الفقيرة والي اصرفه في بيته اولى به امي واخواني. مع العلم اني اعطي امي جزء من راتبي .رغم اني عارفه راح اعاني لا احد يوديني ولا يجيبني .
انا مستقله حاليا في بيتي وخصوصياتي واغراضي واهل بيتي قبر وازعاج ومشاكل.
لو تطلقت وش فرص زواجي راح ياخذ مني البنت ويمكن ما القى الزين الي يخاف الله واسمع من زميلاتي كلهم متردية ونطيحه. انا كله كوم و الي سواه قدام حريم اخوانه كوم. والفرحه الي يقتلها في قلبي في كل مناسبه.
زوجي يجي بالتهديد والوعيد ما يجي بالطيب ابدا يحب النساء بجنون . هادى . عاش حياته مهمش . قليل دين .يكره اتصدق بمالي يقولي انا أولى فيه الفقير. الحق لله غبي بشكل وعنيد . وأعتقد هذا من كثرة التفكير بالنساء و مشاهدتهم لانه فيه دراسات تقول كذا.
ابغى الي ترد علي تقرا كل الي كتبته حسنات زواجي وطلاقي منه ايهم افضل والله يسعد كل من تعبرني وترد