طلاقي 💔 الفزعه ي بنات

اسعد الله صباحكم ي جميلات
انا سالفتي سالفه اتمنى من كل وحده تدخل صفحتي تدعي لي ب الفرج ورده زوجي لي رداً جميلا
انا متزوجه وعندي طفل واحد الله يحفظه يارب
زوجي شخص عديم المسؤليه شويه عليه
وجاب لي الهم راتبه وخيره للناس وانا وولدي مو مغنينا من خيره شي يقهر ادري ..
صبرت عليه رغم انه جنوبي شرقي متطرف مره معقد حاولت معه بكل الطرق مانفع وفوق هذا كله يدخل اهله بكل حياتنا يعني لو صار بيني وبينه خلاف يكبر الموضوع ويوصله لاهله ويألف من راسه علي ب اشياء انا ماقلتها بحجه انهم مايدافعون معي ويوقفون ضده واهله كرهوني واكتشفت هالشي بعد فتره حاجاجته ليه تسوي كذا وصلح الي افسدته كان من النوع الي يسد النقاشات ولايتفاهم مع اني عايشه معه تحت سقف واحد ..
مو قادره اسولف معه سالفه متخيلين هالشي
المهم انه بخيل علي ومايجيب اغراض ولده وللناس الثانيه ي زينه لهم مره طلبته اغراض لولدي وانا ماني موظفه قالي دبري نفسك عطيه اي شي تناقشت معه مااهتم تهاوشت معه لان ولدي حتى حليب ماعنده مو معقوله اهلي يصرفون على ولدي وهو موظف ومانشوف من خيره شي طلقني عشان طلبت حليب لولدي رمى يمين الطلاق قال تعبتيني حليب وحليب انتي طالق المهم دخلت اهله ب الموضوع ووضحت لاامه كل شي لاكن الواضح انهم كارهيني من سوالف ولدهم ويشهد الله علي اني اعاملهم بكل خير وسنعه معاهم ولا عمري شكيتهم ل زوجي بالعكس كويسه لهم
دخلنا طرف يصلح ب الموضوع قال ب البدايه للطرف المصلح انا ب اصلح هاذي مرتي وهذا ولدي بعدها كلمنا الرجال المتوسط ب الموضوع قال قابلته عند اهله والله وغير رايه يقول خلاص ابطلقها انا م ابي احط بذمتي بس اهله سلبيين مره يدرون بكل شي وكنهم ماصدقو خبر مع انهم عارفين ان ولدهم المخطي حسبي الله على كل من تسبب بموضوعي الله حسيبه الى يوم الدين الله يشغلهم ب انفسهم عني لكل شخص حاول يكيد لي ويرد كيدهم بنحورهم امين ياررررررب 😔😔😔
الزبده انا صار لي 7 شهور مطلقه لفظا يوم يأست انه يرجع طلبت من اهلي يطالبون بورقه طلاقي خلاص كل شي له حد لو نبي المحاكم من زمان بس مانبي مشاكل وفضايح خاصه اننا قرابه من بعيد .
كلمو اهلي خاله وطلب منه يحل الموضوع ويتدخل ويخليه يجيب ورقتي قاله طيب وصار له اسبوعين مارد لنا خبر وواضح ان طليقي ماطلق ب المحكمه م ادري هل بيرجع ولا لا ..
هل حركته لعانه فيني ماسكه الورقه لعانه ..
مع ان اخوي ارسله هات ورقه الطلاق قاله ابشر ماطلبت شي تخيلو انجلطت من الرد قبل لاندخل خاله ب الموضوع .. ولحد الحين خاله اتوقع ماجاه رد من ابو ولدي
علماً ان طليقي رجل يتهرب ومايحب يواجهه ومره صار بيننا مشكله جلست قرابه 6 شهور عند اهلي ندق على زوجي مايرد ليه دقينا على شخص وقلنا له وش سالفته وجا معه هذا الشخص يعني زوجي لو عنده نيه رجعه لازم احد يجيبه ..
اخر شي من تقرا موضوعي تدعي لي ب الفرج وبرجعته لنا لاني انا افكر بعدين لو جاني نصيب وتزوجت ولدي بيكون ب النص ضايع وانا ام واخاف على طفلي 😰 تكفون ي بنات ..
دعواتكم اسأل الله العلي القدير الي تدعي لي ان ربي يرزقها من اوسع ابوابه ويعطيها مبتغاها لعل دعوه منكم تصل الى السماء ..
لاني تعبت ورب الكون 💔💔
وابي توقعاتكم حسب شخصيه الجنوبي الشرقي المتطرف تكفون فزعتكم. علماً بانه للاسف من طلقني ماشاف ولده الا مرتين هو ماطلبه الا مرتين .. وكمان تهربه غريب يقول ابشرو ب الورقه ومع ذلك من يسمع احد يبي الورقه يتهرب طبعه غريب عجزت افهمه كل ذا لعانه مايبي يعطي الورقه ولا وش سالفته اللهم فرجك 🌱
وسلامتكم 🌸