طلاقي اواصبر عشان ولادي

سلام عليكم خواتي كيف الحال انا ماكتبت الابعد ماحترت وااايد انا ام لخمسه اطفال طبعا ريللي متتعدد اربع زواجات انا الوسطانيه ريللي انسان غريب ماتصدقون لا رومانسي ولا رحيم ولا شي بس همه طلباته تجاب انا حملت من اول شهر زواج وكنت منكثر المشاكل من اول شهر اريد اطلاق لكن كنت صغيره ومراهقه ماادري وش يشدني له والله مافي شي بس ارادة الله اني اجيب منه عيال
طبعا معيشنا في بيت واحده كلنا ومشتركات بكل شي دوم عذاب وهو سب مايخلي ضرب مايخلي ياريته يقدر ان ضرات عيشات في بيت واحد لا والحقد اللي فيهن فضيع انا الوحيده اللي اخذني ملتزمه وحافظه لبعض كتاب الله لكن. اسلوبي كان منفر كنت مندفعه اريد اصلح الكون كله للاسف اتمشكلت مع الصغير والكبير بقيت انا المكروهه في البيت حتي ريللي الذي مفروض يكون فاهم الوضع رد خراب بيته وتفككه مني واقسم بالله الكذب اللف والدوران المخالفه لاوامر الله وكنت ادخل بكل صغيره وكبيره لما الحين رجعت اندم اقول ليش ماخليت نفسي همي ولادي وبس خبروني انا صح اوغلط وكيف اصحح وضعي
اما عن حريمه صح بالظاهر يد وحده لكن كل وحده تتكلم علي الثاني بالخفا بسسس تدرون بالظاهر انا النشاز بينهم بيتفقو في امور المعامله بالوجهين امام ريللي شي وخلفه سوي كل شي عكس حتي لويشفون اولادهم يسوو الغلط عادي بس امام ابوهم لا اناتعبت وكرهت حياتي لاقادره اربي اولادي ومن اعمال ريللي وتفرقه بالمعامله دوم نزاع انا وهو ايش الحل الله لايهنكم تعبت فكرت انه بالاقي في المنتدي وحده تبصرني ارجو ماتهملو موضوعي حتي بدعوه