طلاقي كان الاسبوع الماضي والحمدلله على كل حال ياليت تنصحوني لوجه الله

السلام عليكم خواتي في الله
انا لله وانا اليه راجعون

ماادري وشلون ابدا لكنني اريد نصيائح منكن ماتعرفوني ولااعرفكم ولايجمعنا الا الاسلام اقوى صلة
الحمدلله اولا واخرا ولله سبحانه الحكمة البالغة ومااكتب الا طلبا للنصيحة وليس للرثاء فربما كلمات منكن تؤنسني
انا مطلقة من فوق عشر سنين وطلعت ببنت كان عمرها سنة الحين بسادس ابتدائي الله يوفقها
مريت بالفترة الماضية بازمات وضيق الله اعلم بحالي والحمدلله ربي يسر امري وكبرت بنتي
عانيت من ظلم القريب قبل البعيد والاخت فترات مريت اقول الحمدلله الذي ربط على قلبي ومااصابني شي نفسي
وبعد سنوات ربي سبحانه اكرمني العام الماضي بالحج ومن بعده كل شي تغير نفسيتي نظرتي للحياة وبديت اشوف رؤى مبشرة والحمدلله اطلب ربي وربي ماخيبني قبل حوالي اربع شهور زادت علي بليلة الضيقة وطلبت ربي يعجل لي بالفرج وسبحان الله ربي يسر بعد احداث معينة ان خطبتني حرمة لولدها كانت تدق وتدق وتدق يااخوات اتصالتها كثيرة جدا وحريصة انها تزوجه لانها تقول هو يبي وانا مايهمني الا ولدي طبعا الولد متزوج وكنت اتخوف من المتزوج لكن الشكوى لله صدقوني يااخوات الحريم الحين يقولون وش تبين بالمتزوج صح هم صادقات لكن هل المطلق او الولد يقبل مطلقة وعندها اطفال ؟؟ خلونا واقعيين ماحدك على المر الا اللي امر ووحدة بسني 36 سنة اتمنى ان ربي يرزقني الذرية الصالحة ولاادري وين الخيرة فيه
المهم ياخوات دريت انه بقرية تبعد عن مدينتنا كذا كيلوا رفضت وقلت لاامي ماابي ابعد عن بنتي قالت اذا رجال صالح حسافة ومن هالكلام وردتهم عقب قلت خل استخير وانا وش يدريني وين الخير فيه سبحان الله استخرت وقلت خل اشوف الموضوع ليش استعجل رحت لاامي قلت شوفي انا امنيتي ملتزم هل هو ملتزم والعقبات الثانية بكيفها سالت امه قالت ايه قالت امي وحرمته ؟ قالت امه ماعلي منها وهي بنت عمي بس انا علي من ولدي حسيت امي مرتاحة سبحان الله استخرت ومشت الامور متيسرة وبسرعة كانو يبون كل شي امه جت وشافتني ودفعوا ويوم جا يدفع طلب الملكة
وانا كنتت اقول بنفسي خلاص الحمدلله ماابي اتدخل وخل الامور تمشي متوكلة على ربي
تمت الملكة وبعدها بس ب 7 ايام بدت امه تتصل علينا وتخوف امي بكلام وتقول ان حرمته درت وطلبت الطلاق وصار وصار المهم امي ياجعلها الجنة مرضت ذاك اليوم وانا هونت عليها قلت يمه رزقي مهوب عند احد يعطيني ولا يمنعني رزقي عند ربي ولا يهمونك ووين كلامها من البداية يوم كانت تقول ماعلينا من حرمته هي ورطتنا معهم وهم تورطوا
المهم بعد يومين تقريبا قلت لاامي دقوا عليه وقولوا ترانا خلصنا وشوفي وش يرد دقو عليه قال انا عندي مشكلة الحين
قال اخوي المهم نعلمك خلصنا
بعد يمكن كم يوم دق على اخوي وبدا بكلام انا مريض وحرمتي تعبانة وبتكتب عيالي علي
وكلام كثير
علمتنا امي قلت شوفي يمه ماعلينا منهم ومتوكلين على الله وماخفنا من احد واللي فيه الخير ييسره الله سبحانه
بعدها سكتوا وقبل اسبوع تقريبا بدت تتصل امه جت امي ماردت لانها تنغث من اتصالات امي وضغطها يرتفع
يوم جا امس ويرسل رسالة لاخوي يعتذر ويقول انه فسخ العقد
انصدمت ماشاف خيري من شري والحين طلاق ثاني زواج بعقد فقط
ويقول المهر لها بس تحللني وتبيحني والله يسعدها ويدعي لي
قلت حسبي الله عليه ونعم الوكيل مااسامحه اذا هو ظالمني واذا ماظلمني فما الله بظلام للعبيد
لكن يشوفها وبتشوفها امه ببناتهم
على فكره ماكلمني ولايعرفني ولاشافني وانا مااعرف صوته وماشفته الا اللهم بالمشتفشى مع الرجال عند الاستقبال

خواتي ماحطيت موضوعي الا ابيكم تشاركوني من امس وانا مصدومة وميت حيلي والله اني يوم ملكتي سجدت لله شكر لاني ذقت مرارة الطلاق وعرفت وشلون الحرين يشوفن الحرمة المطلقة فرحت ان الله ستر علي من كلام الناس بهالزوج
ادري انه اخير شي لي الطلاق من هالرجال لكن الطلاق الثاني وزواج ملكة لمدة شهر بس احسه صدمة
لكن الرؤى كانت كلها مبشرة رؤى فوق العشر وموب بس انا كنت اشوف كانوا قريبات لي يشوفون وافسرها ويقولون زواج حتى قبل الملكة باسبوع وحتى بعد الملكة وبداية كلامهم رايت رؤيا قالي اللي فسرها بيتم لك الامور على احسن حال وان شاء الله انه يتم لي امري على احسن حال
ووالله العظيم اني احمد الله واشكر ه واطلب من ربي انه ياجرني في مصيبتي ويخلف لي خيرا منها
وحتى امي امس تقولي صلي واستغفري
ربي سبحانه كريم والله لايتكلنا على عملنا لكن كل شي قسمة
بل اني يضغط علي تفكير اخاف اذا احد داعي علي او علي ذنب الله يغفر لنا ويرحمنا
والا الانسان المسلم حياته الدنيا ممر وابتلاءات

لكن ابي نصيحة لاني اقتنع من كلامكم
ولاابي يكون كلامكم يدور حول ايه هذا الرجال المتزوج ياخواتي مايحدك على المر الا اللي امر
وهالحين المطلق يابنت يا مطلقة من غير اولاد الغالب اللي اشوفه
بل ان المتزوةجين بعضهم يرفض اللي معها طفل ويبيها اقل شي مطلقة بدون اولاد وهذا مر علي

هذا والحمدلله اولا واخرا وله الحمد في السموات وفي الارض
وكل شي وله حكمة وكل شي بقضاء وقدر

لكني بشر واشعر باللي يحس فيه البشر من الحزن والحمدلله رب العالمين