طلاق اختي

السلام عليكم اخباركم بنات انا الي كتبت موضوع ان اختي تقارن زوجها بزوج اختي الثانيه اختي الثانيه اليوم تطلقت بدخل بالموضوع اختي مره تعبانه قالت لزوجها ابي اروح للمستشفى طبعا امي وابوي كبار مره بالسن وحنا عيله مره كبيره بالذات البنات يعني عشرين او اكثر عشان تكون عندكم خلفيه والاقبال على الزواج مره قليل يعني المتزوجات سته واصغر وحده بالثنوي وابوي مستحيل يرضى بالطلاق يقول اذا تطلقت وحده منكن تقطع نصيب الثانيات عموما هو قال لها خلاص روحي مع احد من اخوانك قالت انت تعال وخذني للمستشفى قال انا مشغول تبغين روحي مع احد من اخوانك ولا لاتروحين قالت خلاص بروح مع احد من اخواني بس خل بنتي عندك قال لا انا مشغول خليها عند امك قالت امي مي فاضيه قال عاد مو شغلي انتي امها اما اجلسي عندها ولا خليها عند احد قالت وانت ابوها وهي تنسب لك ماتنسب لي انا تعبانه وبروح للمستشفى تعال خذ بنتك قال ماراح اجي قالت وانا ماراح اهتم فيها وانت كيفك يالله مع السلامه قال ان طلعتي من البيت فانتي طالق قالت وانت تعال خذ بنتك لاني حاطلع من البيت صحتي اهم منك ومن بنتك وقفلت الخط المهم هي خبت الموضوع لانها عارفه انها لو علمت ماراح تروح للمستشفى راحت للمستشفى وبعدين علمتنا المهم صارت فوضى بالبيت وابوي عصب مره وقال والله راجعه لبيت زوجك انتي تبين تقطعين نيب خواتك وضربها امي حاولت تفكها بس ماقدرت المهم العيال كانوا هم موجودين الا واحد كان نايم قام على صوت الصراخ فك اختي ابوي اتصل على زوجها وقال له تعال للبيت المهم الامور للحين معقده وزوجها اخذ بنته واختي الي قارنت من اليوم قاعده تصيح ابوي وامي الحين بالمستشفى السؤال هل يعتبر طلاق اختي ولا لا واختي الي قارنت تصيح وتقول انا السبه كيف اهدي فيها وادعوا لنا تكفون يابنات طبعا انا كتبت الموضوع الحين لاني مره خايفه وابي اهدي باختي والي عندها حل ياليت تفيدني