طلاق اختي ومسؤولياتها

يا اخوات اللي راح ترد ترد رد يشرح الصدر لاحد يرد ردود سخيفة , وطبعا ما راح احلل اي احد ينقل موضوعي الى اي مكان .
اختي وزوجها
الله رزقها بولدين واحد عمره 7 سنين والثاني عمره 9شهور حاليا , اختي خلال ها الفترة كانت كله ترمي اولادها عند امي وابوي وهي وزوجها كانوا يعيشون بدون اولادهم كانهم عزاب
يجون يزورون الولد الكبير بو 7 سنوات يوم واحد بالأسبوع ياخذونه الملاهي ويشترون له من البقالة بطاطس وحلويات مدة ساعتين يمشونه ويرجعونه البيت عند ابوي وامي , وطبعا ابوي يقول ما يحتاج نزعج اختكم بالأولاد بعد ما .
بعدها اختي تطلقت من زوجها , وخلال ها الفترة كلها ابوي يصرف على اولادها . طبعا عندنا اخوان اولاد , وكل اللي بالبيت كانوا يساعدون , اخوي كان يجيب حفوظات الأطفال , وانا كريمات للأطفال ومسلتلزمات استحمام ,طليق اختي كان يعطيها نفقة وهي تخبيها وقال ابوي من حقها ما تصرفها على الأولاد تخبيهم للعيال . الحين اختي تزوجت مرة ثانية ومر على زواجها تسع شهور , ما مرت على امي وابوي وما زارتهم , ودائما امي تتصل عليها وابوي يسألونها عن احوالها مرة وحدة بالشهر يتصلون اهلي مو يوميا تقول الحمدلله انا ما ابقى اولادي خلوهم عندكم ما قدر اتحمل مسؤولياتهم , لدرجة ولدها ما يعرف مين هي امه هذا اللي عمره 9 شهور كله عندي انا اللي اعتني فيه واغسل ملابسه وانومه , وقت نومه
مقطع , فاذا جيت اركب السيارة مع ابوي هو والولد الثاني اللي عمره سبع سنوات كان يجي ابوي يخانقني ويهددني بنزلني الشارع انا وياهم , والأولاد مو اولادي , ليه الكبير يتكلم بالسيارة وليه الصغير يبكي
قلت للوالد انت اللي رضيت فيهم وانا طيب مني ارعاهم وخصوصا ماعندنا خدامة ,وكل يا بالبيت يساعد ,كان ابوي يصارخ علي عشان ولد اختي الكبير جلس يغني بالسيارة ., يقولي وش دوري
ما اسكته وانا اسكت في ولد اختي الكبير وصارخ ابوي علي انا , وقام الرضيع الولد الصغير يبكي , وقام ابوي يصارخ بينزلني بالشارع انا واولاد اختي هو ما يتحمل الأزعاج واحيانا بالليل بالبيت ولد اختي الكبير يصرخ ويجي يقولي بطلع الولدين الشارع وانتي وياهم واللي رضى فيهم كان ابوي وامي واختي تزوجت ونستهم , اختي مهملة جدا لأولادها ولدها ما يحبها يجي
لجدته وجده يقول انا احبكم ما احب امي , بس المشكلة اختي مررررررررررررررررة مهملة , من ناحية الأكل والشرب للرضيع كانت تخليه جايع يوم تطلقت كان عمره شهرين , وما تبدل الحفوظة له , تخليها لحد جلده ما يحمر .
خلال فترة طلاقها جلست بالبيت , تطلع تتمشى بالمجمع , والمشغل , وتشتري ملابس , لنفسها , وراحت العيادة سحبت دهون , وسوت عملية تجميل , وبعدها انخطبت وتزوجت .
ملابس ولدها ضاقت الأثنين . ويوم قلنا لها ملابس اولادك ضاقت قالت خففوا من الأكل وزنهم اكيد راح يزيد , وجت تقولي الرضيع , هذا مو ضروري يرضع كل 3 ساعات بس رضعة وحدة مرة كل 10 ساعات عشان ما يزيد وزنه وتعلمي كيف ترعين الأطفال انا اعطيك دروس بالحياة . امي الله يخليها ما قصرت , عطت اختي كف , لأنها كانت بالجوال على طول والأولاد على راس امي وامي وحدة كبير ما تتحمل ازعاج بو سبع سنوات بس يصرخ وعلى طول على التلفزيون , واختي الحين . جت تقول لأمي الأسبوع اللي راح باخذ ولدي عند زوجي للأبد وخذته , وجت تصرخ وتشتكي على امي عند ابوي , ولدي ازعجني انتوا تبقون تخربون بيتي , ومن الكلام اللي يمرض . بعدها , قال لها ابوي انا قلت لك قبل لا تاخذينه اكيد ما راح ترجعينه قلتي ايه تحملي نتيجة قرارك , وكل شوي جاية متصلة ولدي يضرب زوجي , ولدي سحب شعر زوجي , ولدي ضرب السواق . وولدي ما يبقى ياكل , مضرب عن الأكل يبقاكم انتوا , ويوم كلم ابوي ولد اختي قال انا قاعد عاقل وابقى امي ما ابقاكم , قالها ابوي بس كذب , وزوج اختي من الأول اختي تزوجته وما كانت عارفه انه عقيم , وجالسة تدور من مستشفى للثاني تبقاه يتعالج وتجيب له عيال , سألها ابوي قال لجبتي ولد او بنت مين اللي يربيه , قالت لأبوي البقر اللي بالبيت عندكم يربونه قال ابوي وش قصدك اخونك وخواتك بقر , قالها ابوي بتبرأ منك ليوم الدين .
خلاص انتي مسؤولة عن بيتك واولادك وهي مو مقتنعة , وتقول ما تاخذ راحتها وولدها معها ببيت زوجها , المهم اختي قاطعتنا ما تكلم امي وابوي بس قلنا لها اولادك من مسؤولياتك
الحين ولدها بو تسع شهور متعلق فيني انا اذا رحت طلعت من البيت يصيح يقوم ابوي يرجعني يخليني اجلس معه عشان ما يزعجهم , واذا طلعت مكان يحسبون الولد ولدي مواعيد المستشفى للرضيع , انا اخذه .
والسوق اقضي له ملابس على قياسه وكل فترة يكبر واظطر اجيب له قياسات اكبر , و االكل يحسبني امه في الحديقة المجمع كل مكان اروحه يحسبون ولدي حتى البقالة جت المحاسبة تحاسب تقولي ما شاء الله ولدك يشبهك وانا لابسة نقاب يعني وين يشبهني شافت . واختي تقول وش حضرتك ما راح تتزوجين جلسي ربي اولادي خلاص انتهيتي مالك زواج واخواني كلن بالعمل واذا جاوا ما يقصرون كل متطلبات الرضيع يجبونها وسبق وكلموا ابوي يرجع اولاد اختي عندها عشان ولدها يتربى بأحضانها افضل وقلنا له ماراح ندوم لأختي كلن بيتزوج ولازم تحس بالمسؤولية . الحين الكبير بو سبع سنوات ما استحملته اسبوع وكل شوي تتشكى تتصل . يتخانقون معي امي وابوي عشان ولد اختي الصغير لخلص الحليب اقولهم جيبوا حليب يصرخون علي فاضيين لك, ويسحبون اروح مشي للبقالة واجيب له حليب لأنه رضيع اطلع مع اخوي 17عمر ه واجيب وارجع ارتفعت حرارة الرضيع اتصل باخوي الكبير يجي ياخذه وحليب والإغراض وكل شيء اخوي يدفعه من عنده ومرة انا طليق اختي تزوج وقال ما يبقى اولاده والحضانة صارت عند اختي واختي رامية الولد علينا الرضيع والكبير من اسبوع خذته . ابقى حل بنات لأختي , امي وابوي كبار بالسن ما يتحملون , وانا خلاص ملييت من اختي ومن مسؤوليتها وانا حتى صوتي ما ارفعه على امي وابوي عشانهم كبار بالسن وكل ما انزل اطبخ واساعد امي
جاب الوالد سيرة اختي وتخانق معي يبقى حل لأختي لازم اعطيه حل عشان اختي تعيش مرتاحة ويوقلي احسن حل انا اربي اولادها عشان تضل سعيدة قلت له هذا مو حل هي تربي اولادها طلعوا من بطنها وصرخ علي وخانقني .