طلبات الحريم من الألف إلى الياء

أ_أبي فلوس بروح معزومة على شاي الضحى.
ب_ بكرا ابيك توديني لبيت أهلي عندهم عزيمة.
ت_ترى اليوم انا ماني مسوية عشاء روح للمطعم جيب عشاء.
ث_ثلاث اسابيع ما طلعنا للملاهي يالله ودنا اليوم.
ج_جيب خدامة تساعدني بشغل البيت ......" والبيت نص شقة " قهر :(
ح_حبيبي.... ودي بساعة شوبارد مليت من ساعتي الاوميغا "شوفوا النفاق .....توها تذكرت هالاسم ".
خ_خل الشله اليوم .....أنا عازمتك نتعشى بره بس على حسابك .
د_دور لنا فيللا على 3 شوارع وفيها سرداب "الراتب 250 ريال من وين ياحسرة".
ّذ_ذيك السنة "قبل 10 سنوات" قلت لك اشتر لنا سيارة اوسع وما شريت.
ر_روح قدم على اجازة خلنا نسافر لاوروبا ..........اوووف حر . .
ز_زيد مصروف البيت هذا ما يكفي اغراض البيت (( ومعظم الفلوس عليها وعلى خرابيطها)).
س_سجاد البيت صار قديم ......غيره يا أخي " السجاد ما كمل له سنة " .
ش_شيل ولدك شوفه يصيح هناك أنا تعبت من العيال ......"اليوم كله مقضيته نوم "
ص_ صفف الملابس هناك منثرة مليت وانا القط وراك......"ونعم الزوجة :mad: "
ض_ضبط أوضاعك ...... ترى كبرت المسؤولية ......(توها والدة)
ط_طالع السيارة سكراب تفشل قديمة :( نبي شبح .
ظ_الظاهر انك ما تحبني .....ليش ماشريت لي العقد الالماس اللي بغيته !......" حب بالالماس بس "
ع_عيوني..... اليوم شفت نفنوف عند زوجة اخوي يجنن......خاطري بواحد مثله.
غ_غير ياأخي اسلوبك معاي .....كله برود..... حسسني بحبك شوي.
ف_ فديتك حبيبي وين تبينا نسافر هالصيف؟؟......"ان كيدهن عظيم" :cool:
ق_قدر ياأخي شوي.....كل شغل البيت على راسي .......تكرم وساعدني شوي.
ك_كفاية ملينا من هالبيت متى راح تسوي لنا بيت اكبر من هذا .
ل_ليمتى نبقى محبوسين في هالبيت لا نطلع مثل ا لخلق ولا غيره.
م_متى بتوديني لبنان مثل ما وعدتني قبل ؟؟
ن_نبي نحجز شاليه شرم الشيخ طول الصيف .....لا تنسى!!!!!
هـ_ ها عاد .....ترى اروح بيت هلي .....إذا مو قد الزواج وتكاليفه ليش تزوجتني .
و_ورني شطارتك رح عند اخوك خذ منه الورث ......." راعية مشاكل ".
ي_ يالله ايدك على 200 ريال رضاوة .......لأنك زعلتني وكسرت خاطري !!
م ن ق و ل



هااا ايش رايكم بالله احنا كذا:42:
اكيد الي كاتب هالكلام رجال حاقد علينا احنا يالقوارير:hahaha: