يا اخوات اللي قادرة تجيب شغالة اقل شي بثمان الاف و تدفع راتب 800 ريال شهرياً .. مو قادرة تشتري فازلين و فوط صحية فام 30 حبة بخمسة ريال ؟
والله انا اللي اشتريها لشغالتي و انا اللي اشتري لها هدايا ملابس ابيها تكشخ و تلبس ملابس زي الخلق ماتلبس قمصان مقطعة ... و يتقطع قلبي لا شفت يدينها خشنة من الغسيل و دايم انبه عليها تحط فازلين و بين فترة و فترة اسألها اذا ناقصها معجون او شامبو ...
انتي جيبي لها مرة و نبهيها انها ما تسرف فيهم .. الان شغالتي من اخر مرة شريت لها شامبو من ست شهور ما طلبت جديد ... تراهم اقتصاديين اكثر مننا ...
و مافيها شي تجيبن لها هدية مفاجأة بين فترة و الثانية مزيل عرق و كريم و شامبو .. اقل شي تقربينها لك و تحبك ... و هذا اهم شئ يا بنات ... و لا تقولون بعضهم ليه يحقدون و يدسون شي بالاكل او يسوون اشياء بالاطفال ... قربيها لك بثلاثين ريال كل كم شهر ما تسوى ترا :)
وزي ماقالت وحدة من الخوات ... مظهر شغالتك من مظهرك ... اذا شفتي الشغالة مبهذلة و القميص او اليونيفورم اللي لابسته مقطع ... تحسين انها عند ناس مايرحمون ..

لازم تعطينها اول ماتجي ملابس وشامبو وصابون ومعجون وفازلين وفووط صحيه ومزيل لرائحه العرق >>>خبركك بالريحتهم :09: وعبايا وشنطه جديدة
انا اعطيها كل شي الا بطاقه تلفوون مشان تكلم اهلها >>> لاني مااخليها ترسل رسايل
والله حتى في العيد اعطيها بطاقه عيديه واكيد لازم تعطينها في العيد مابس حالها من حالككككم
وربي حتى الحويات والشبسات لمى اعطي بناتي تكوون هي نفسها فيها واكيد اعطيها معهم كل شي
واعتبريها صدددقه لوووووجه الله تعالى :)

انا شغالتى الانو دونيسيه كان راتبها 700 وكانت تشترى لها اغراضها الخاصه من راتبها لانها هى تتشرط علينا انواع محدده ماتبى الى حنا نستخدمه علشان كذا هى تشترى من فلوسها والحين شغالتى سيلا نيه وراتبه مو قد كذا ارحمها واعطيها من شموبواتنا وصابوننا السيل تتحمم فيه وفازلن ومعجون اشترى لها كل مايخلص

المتعارف عليه ان ادوات الاستحمام والمعجون والفوط الصحية والملابس والعلاج على الكفيل

وهذي اساسيات

اما الكماليات تكون من راتبها

انا اهل زوجي كل شي يشترون اها شامبو وفوط ومعجون وصابون

يعني يكون انتي اللى تشترين لها وهذا مو غالي

الله يخلي سوق ابواريالين وخمسه

لا تشترين لها من الغالي و الصيدليات

او اخذيها السوق على ابو خمسه وخليها تاخذ اللي تبي وتدفع هي اذا ما بتشترين لها