السلام عليكم
شحالج أختي ؟؟
آنه الغالية سألتج في الجزء الثامن كم من سؤال بس االله ما ييسر لي من يومها ولا فرشت ولا سويت شي ،،
فحبيت ارد اسألج هالمرة عن كم شغلة عشان ابتدي اشتغل على الشقة وانتي والبنات ادعوا لي إنه الله يفرجها وما
تتعسر هالمرة وأفرش هالشقة على خير ..
اخيرا استقريت إنه افرش الشقة موكيت وأدري إنه الحين محد يفرش موكيت بس يلا ، المهم مدام بفرش الشقة موكيت
فمحتارة أخلي لون الموكيت موحد وإلا لا ؟ آنه افكر في اللون البني لأنم يناسب مع اغلب الالوان وحلو معاها .. أنتي
شنو رايج ؟؟
+
عندي مجلس الرجال فيه حمام الله يكرمكم مو على ذوقي بس بهاي اللونين النيلي و البنفسجي الفاتح ،،
شنو لون الموكيت اللي ممكن اخليه في حال مو موحد لون الموكيت للشقة ، وشنو لون الجلسة وهي راح تكون
جلسة أرضية بس مودرن ،، وشنو لون الجلسة الأرضية إذا كان لون الموكيت بني ،،
وبرايج ينفع لمجلس الرجال أخلي في واحد من الكورنرات أشياء تراثية آنه شفت صورة في النت وعجبتني وهم
حاطين خزف ومشغولات من الطين برايك يناسب ؟؟
ولو فكرت اخلي المجلس مو مودرن والشقة كلها مودرن يطلع شي غلط في نظري انتي شو رايك ؟
+
آخر سؤالين وادري طولت عليك ،، في الصالة عندي كورونر منفصل على يسار باب المدخل تقريبا مساحته 4 في
2 ونص لطاولة الطعام ،، أفكر إني أخليه مرتفع عن بقيه الصالة ويكون هالدرجة المرتفعة مصفوفة بحجر عأساس يغير
عن شكل الموكيت أو إنه اخليه وافصل بينهم ببارتيشن أو حاجز خشبي أو الاحتمال الثالث أرفعه درجه وأخلي حاجز
جداري بأرتفاع متر لمتر ونص في نص متر كقاعدة لبوفيه و طاولة الطعام أرضية ،، انتي بشنو تنصحيني ؟؟
آخر شي الصالة يجي بعدها ممر فيه أبواب الغرف بس واسع تقريبا 2 و75 في 5 وربع طبعا تتخلله أبواب مطبخ وحمام ا
الله يكرمكم على اليسار و وباب غرفة على اليمين وآخره مقابليه ابواب الغرفتين الباقي هو في بداية الممر باب بس
أشيله وأخلي الممر مفتوح على الصالة بس بطريقة حلوة بس مو عارفة شلون اذا عندك صور ياريت تحطيها لي أو
أخليه على حال بس أحس ابواب كثيرة وباهالطريقة يعطي مساحة أكبر .. شو رايك ؟؟
وبرايك يسوى اخلي مصصم ديكور يأثث لي الشقة من الالف للياء واذا عندك انتي أو البنات فكرة عن كم يآخذوا ياريت
تخبروني لاني ساعات من الطفش اقول بعطيها لمصمم ديكور يصممها لي واريح راسي ..
وشكرا مقدما حبيبتي وراح ادعي لك على مجهودك الطيب والله لا يضيع لك تعب ويزرقك على قد نيتك ويسهل عليك
كل سهل برحمته ومقدرته ..
السلام عليكم
شحالج أختي ؟؟
آنه الغالية سألتج في الجزء الثامن كم من سؤال بس االله ما ييسر لي...
