طلبتكم

مو شرط حلى حطي أكله شعبيه تصلح مع القهوه
مثل الحنيني ولا القشد الملكي

جربي بسبوسة الفستق
المقادير:
1 كوب سميد ناعم
بيضه
1 ملعقة كبيره بيكنغ بودر
نص كوب من كل من :
فستق ناعم
حليب بودر
زيت نباتي
سكر
ماء

تخلط بخلاط اليد وصبيها بقوالب الكب كيك الصغيرة وبالفرن حراره متوسطه 10 دقايق وشبي من فوق تتحمر وصبي عليها الشيره وهي حارة ...........ممكن تسوين حركه انك تحشينها اي نوع قشطه مثل المراعي(او سوي المهلبيه اللي معاها قشطة ) يعني تاخدين بملعقة خلطة البسبوسه وتحطينها بقالب الكب كيك وتحطين نص ملعقة قشطه وتردين تحطين خلط البسبوسه مره ثانيه وبالفرن صدقيني سويته 70 حبه صغيرة لبيت اهلي واعجبت الكل لآخر جمعتنا الصحن كان فاااااااااااااااااضي
طريقة شيره سهلة وسريعه
2 كوب سكر
1 كوب ماء
1 ملعقة صغيرة ليمون هيل زعفران ماء ورد
تخلط باناء زجاجي عميق وتوضع بالميكروويف من 5 الى 10 دقائق حتى يدوب السكر وتبرد ثم تستعمل
واي سؤال تراني بالشوفة

السلام عليكم ورحمه الله وبركاته

اولا حبيت اسلم على الجميع انا منتسبه جديد لكم واتمنى اني افيدكم ببعض تجاربي اللي لا تخلو من ابداعات بنات حواء طبعا:27:

انا مع الاخت love facory بسبوسه الفستق وااااايد حلوه احنا نسميها بسبوسه السبع اكواب مع ان مقاديرها 6 وانا اضيف عليها زياده علبه قشطه نستله بس بنفس الطريقه وبدل القطر احط فوقها توفي ورشه فستق مطحون او جوز الهند وقطعيها مربعات صغيره:p

من كم يوم كان عندنا ضيوف وسويت لهم حلو القهوه اول ما حضرو طبعا غير حلو العشى ماطول عليكم سمبوسه حلوه
عباره عن سمبوسه محشيه نوعين من الحشوه جبن كيري ونوع عباره عن سكر وهيل ودارسين مطحونين طبعا مع شويه لوز مطحون وقليتهم بزيت غزير بس مش حامي وايد يعني بعد مايسخن الزيت وطي عليه شوي وقلبيها على راحتج لين تحمر ماتأخذ وقت
طريقه القلي اهم شي يعني يكون لونها موحد وبعدين تتم مقرمشه اكثر من خمس ساعات المهم الشيخه بعد القلي غمسي سمبوسه الجبن في قطر ورشي عليها جوز الهند او فستق وهذا بعد ماتصفينها في الصينيه اما المحشيه سكر ماله داعي تسقينها قطر (شيره) لان راح تكون حلوووووه وايد يعني اللي فيه سكر مب احسن له ياكل منها هههههه بعيد الشر!

(ملاحظه ورق السمبوسه يكون لصغير انا استخدمت الكرامه ) اسفه نسيت اذكر نوع السمبوسه

اتمنى اني اكون فدتج بشي بسيط وموفقه الشيخه

اب

up