شوفي حبيبتي ولددددك الحل له تطلعينه باستمرار للحديقه حقت الحي...مو ملاهي المولات لا


خليه يتحرك وتطلع طاقته...انا بنتي مثله والحين كبرت الحمد لله...بس كنا نطلع عشانها الشكوى لله ...انا ما اقدر اضبط البيت الا اذا طلعت يوم تكون بنتي صاحيه طول النهار ..نرجع تصير دايييخه وتناااام ...
اطلعوا للحديقه وشوفي بيلعب وجيبي له حفاره...وعوديه على الصلصال مررره ممتاز ...
لاتقولين نظافه ما نظافه انا بنتي تنسدح في الرمل ..بس معليش ...خليه يفسخ نعاله في الرمل تسحب الطاقه...


الايام هذي برد لان لازم بعد الحديقه تروشينه ...وخطر عليه من الامراض...اذا دفا الجو ابد اكرفييييه في الحديقه..

في البيت حطي له قنوات الاطفال مثل سمسم وبراعم وماجد واجيال ... اجمعي القنوات اللي مافيها صراخ وتنطيط اي قناة فيها سلوك مايعجبك احذفيها ...


انا بنتي حاطه لها تلفزيون وطاوله للصلصال وبلاستيكات تسوي فيها اشكال...الاحظ بعض السلوكيات مثل مره تقطع اظفر رجلها باسنانها ...خييير وشفته في افلام كرتون في قناةcnnالعربيه وحذفتها بدون ماتدري لانها بتزعجني رجعيها...


في اليوتيوب مقاطع ماتعجبني للاطفال واحد يقول سلام عليكوووووووووم بصراخ ...انا اتنرفز اذا شفتها فانحته قلت حطي صلصال والا اخذت الجوال ...وتحط مقاطع الصلصال وتحاول تسوي مثلها ...
الايباد مرره ممتاز للطفل الحرك ...يمسكه شوي ...خليه يلعب ..حملي له الالعاب اللي يحبها .....اشحني الايباد النص عشان يخلص عليه ...ويقوم يلعب...


بعض الامهات تشكي من ولدها واهي شايله عنه تلفزيون وايباد وما تحط بديل ....لا لازم شي يشغل الطفل خصوصا اذا كان طفل حركي .....


اذا فيه حوش جيبي له كورة يشوت فيها لين يشبع...
الايباد اشحني النص وخليه يلعب ويتفرج على مقاطع الصلصال ..وجيبي له صلصال..
جيبي تركيبات حباتها كبيرة شوي عشان لايحطها في فمه...خليه يركب
الحدائق العامه مررره ممتازة مع الحفارة...وسيكل اذا حصل ...يفتر في الحديقه...
التلفزيون قنوات يحبها مو غصب يشوف تعليميه او دينيه...مثل غصب شف برنامج تعليم التلاوه ....خلي التلفزيون شغال واهو مجرد مايمر من عنده بياخذ الموجود قران او انشودة


تعرفي على الجيران يلعب مع عيالهم ...يكون يعرف يتعامل مع الاطفال....انا عانيت من هالنقطه مع بنتي مافيه احد يلعب معها...

الله يوفقكم يارب وربي أني جايب له العاب ومرجيه بلاستيك وزحليقه بلاستيك والعب معاه أحيانا بس ياذي اخته الله يهديه ودي اخليه مايضربها يلعبون سوا ارتاح والله واطلعه ترى واعبي ل المسبح شوي واعطيه سياره بالمسبح ويلعب فيها الان يقول ماما هاتو ههههههه ربي يحفظه يارب بس وودي يخفف من اذيته لااخته شوي وعند الناس الله يصلحه يرمي بالأشياء والصلصال مره جبته له حطاه بفمه وجبت له دفتر تلوين والوان وشنطه واستيكر لصقات توم وجيري وفييسات و اخليه يخربش بس يرمي بالأشياء ربي يهديه وانا صايره اضربه كل شوي والله يحزني بس يحووس ربي يهديه هو واخته ادعووله بالله

ياربي تصلحه وتصلح بنتي وتهدييييهم اتعبونا الله يهديهم

المشكلة الاساسيه عندك (( النوم )) صحيهم بدري ,,, اذا صارو يبون ينامون خليهم ينامون نص ساعه بالكثير ساعه لكن مو بعد العصر اذا تعدل نومهم تعدل اكلهم وونشاطهم الاكل المعلب ابتعدي عنه كله يزيد النشاط اللي ماله داعي اكلهم خليه كله طبخ بيت حتى الكيك انتي سويه العصير استبدليه بعصير فرش انتي سويتيه بتتغير حياتهم وصحتهم لكن لاتقولين من اول مره ماحبوه ماتعيدين لهم التجربه جربي مره ومرتين وثلاث الله يعينكك عاد ع مسألة عنيد احس عمر معين بعدها يرجع ع حسب تربيتك