السلام عليكم ورحمة الله وبركاته
بنات اليوم قعدت من النوم الظهر تعرفون موظفه وماصدقت على الله اليوم عطله فا اخذت راحتي بالنوم لان اليوم اخر يوم بالاجازه
المهم . كالعاده قلت لخدامتي تجيب لنا غداء من تحت انا ساكنه مع اهل زوجي بنفس البيت و
حنا طبعنا بالبيت نسوي الغدا تحت بس كل وحده تاكل بشقتها.
المهم لما راحت خدامتي تجيب الغدا جابت صحن صغير مره بس عيش من غير يدام ولا شي قلتلها ليش !!
قالت في حريم واجد تحت ومسوين ذبيحه انا استغربت !!
وبصصراحه هذا طبعهم دايم يسوون ذبايح ويعزمون ناس ولا يعلموني بنات بلييييييييييييز شوي بنزل لحالتي وبتكلم عن الموضوع تكفون شنو اقول ابي اللي تدخل تقولي حل والله تعبت
تدرونَ!
ويقولون لخدامتي ليش ماما ماجت تحت تغدا ؟
يبون يطلعوني قدام الحريم اني مغروره ومتكبره وما انزل اذا صار عندهم ذبيحه,
الناس كلهم ماخذين عني الفكره هذي
والله يابنات دايم تصير هالحركه وانا مدري
ومرت ولدهم يعلمونها وتكشخ وتطلع بأحسن صوره واهم بعد وانا يطلعوني بأبشع صورة
واذا كلمت خالتي قالت لي مايحتاج عزيمه حنا بنفس البيت اقوله طيب انا اشدراني ليش ماتعلمون وصي الخدامه تعلم او وحده من بناتي اذا نزلت ليش ماتقولون لهم
انا بناتي صغار بس لو وحده تقول لبنتي نادي امك بتفهم وتنادي.
تعتقدون ليش هالحركات؟؟
يعني بالله عليكم اخلي شغلي كله وراحتي وكل شي واقعد كل يوم تحت اراقب البيت اذا صار فيه ذبيحه او لا عشان يكون عندي خبر ؟
المصيبه مايعلمون واتفجأ ان كل البيت كاشخين والمكياج طيب ليش؟
ابي احط حد للمشكله هذي اليوم وش تنصحوني فيه
ودايم خالتي تقولي ليش ماتدرين ان عندنا ذبيحه وناس طيب انا اشدراني انا بطابق الثالث وش يعرفني ان عندكم ناس
والمشكله يابنات اللي خلاني اننقهر زياده
ان امس طول اليوم عندهم تحت ووصعدت اخر وحده يعني لما راحو كلهم لغرفهم
ولا علموني ان بكره اللي هو اليوم في ذبيحه وغدا
وللعلم زوجي بالدوام صار له يومين مو عندنا يعني هو بعد مايدري عشان يقولي
وربي ضغطي مرتفع فشلوني بالناس
حسبي الله ونعم الوكيل فيهم من كل قلبي ادعي
ومرت حماي تكلمني بالتلفون تقولي انا انقهرت ما ابي يتكلمون عنك
انا على بالي تدرين عن الغدا وماتبين تنزلين
شفتوا
يطلعون مرت ولده باحسن صوره يعلمونها تكشخ وتزين وتقهوي الحريم ,
وانا بعد مرت ولدهم يطلعوني بأبشع صوره اني مغروره ومتكبره وما احب الناس ولا اعرف السنع
لا تقولون مايصير والله يابنات اني ماعمري تهاوشت وياهم واقدرهم واتحرمهم ولا طلع مني شي مو زين
ابي نصايحك يا بنات وربي ضغطي مرتفع ولا ادري وش اكتب اعذروني اذا كتابتي ملخبطه انتظر ردودكم
فوز حياتي @foz_hyaty
كبيرة محررات
يلزم عليك تسجيل الدخول أولًا لكتابة تعليق.
لا تتهورين وتسوين شي يسببلك مشكله مع زوجك
احتالي عليهم و قوي علاقتك مع مرت ولدهم عشان تصير تعلمك لاصار عندهم ذبيحه وانزلي وانتي كااااااااشخه علي الاخر واقعدي مع الناس وسولفي وقهويهم وسوي الواجب ومع الوقت حيعرفوا انك منتي مغروره ولا متكبره
احتالي عليهم و قوي علاقتك مع مرت ولدهم عشان تصير تعلمك لاصار عندهم ذبيحه وانزلي وانتي كااااااااشخه علي الاخر واقعدي مع الناس وسولفي وقهويهم وسوي الواجب ومع الوقت حيعرفوا انك منتي مغروره ولا متكبره
طيب ابي حل اليوم ناويه احط حد للمشكله هذيطيب ابي حل اليوم ناويه احط حد للمشكله هذي
مالتس الا انتس تمسكين رجلتس وبأسلوب حلو تقولين له السالفة من
وإلى قولي دايم أنحرج أنزل وأحصل أهلك مسوين عزومة وذابحين ونا مادري .. والنآس يحسبوني أدري ولا أبي أقابلهم ..
ولا ثاني مره لو سووها إكشخي وإنزلي وقولي ماشاء الله الحبايب مجتمعين
وإذا قالن وينك قولي والله ماحد عطاني خبر واحرجيهم :35:
وإلى قولي دايم أنحرج أنزل وأحصل أهلك مسوين عزومة وذابحين ونا مادري .. والنآس يحسبوني أدري ولا أبي أقابلهم ..
ولا ثاني مره لو سووها إكشخي وإنزلي وقولي ماشاء الله الحبايب مجتمعين
وإذا قالن وينك قولي والله ماحد عطاني خبر واحرجيهم :35:
الصفحة الأخيرة
صراحة حركة تقهر
اللي يقهر انهم ماعطوك خبر
بس قاهرني اكثر يطلعونك للناس انك مغروره ومتكبـره