طلبتكم تساعدوني/ خطيبي أقصر مني .. معدل

بسم الله الرحمن الرحيم
ممدري هاذا القسم الانسب اكتب فيه اللي صارلي او لااا
مرررره متضايقه موقادره اركز حتى في مذاكرتي كل ماتذكر ابكي ماعندي احد يفهمني وخواتي مو عندي بالبيت متزوجات
مدري من وين ابدا من فتره حجزتني زوجه عمي لولدهاا وقالت فلانه ماتطلع تراها لنا نبيهاا من هنا بديت التفكير وبدت همومي الولد مو جميل ولا فيه ذره وسامه بسس اخلاقه زينه واستخرت اكثرر من مره وحسيت نفسي بديت اميله واقول الشكل مو عيب وش ابي بوسامته واقنع نفسي وارضي نفسي بنفسي ومن يومين شفته وانصدمتت فووق ان شكله مو حلوو قصيررررررر اقصر مني وانا طويله ضاقت الدنيا بعيني بكيت بكيتت لين قلت بسس اصلي واطلب الله يبعده عني
واللي قاهرني ان جماعتنا كلهااا درت ان عمامي حاجزيني والكل يسولف بهالسالفه مع انه ماصار لاملكه ولا غيره بس خلاص انتشرت السالفه يعني خلاص مافي امل احد من جماعتنا يخطبني لان كل ماسمع يقولون كنا بنخطبها بس من درينا انها محجوزه نغير راينا عن الخطبه انخطبت اكثر من ثلاث مرات خلال اسبوع بس كلهم من براا جماعتنااا وانا مابي من براا جماعتنااا ابي اكووون بين جماعتنااا بس غيررر ولد عمي لانه قصيررر اه اه قلبي يتقطععع من كثر التفكير بس ابكيي
انا تعقدت من طولي وانا بنتت وبالغصب تاقلمت مع الوضع ومابي اوسوس لاتزوجت ولا ابي اكوون مسخره بفم الناس على اني انا طويلههه وهو حييل اقصر مني ش اسووي قولولي والله حتى مذاكرتي بالغصب اركز فيهااا اليوم بكيت لين قلت بسسس شكله طوله كلام الناس وسالفه الحجز اللي انتشرت عني كلهااا مو راضيه تغيب عن باللللللييي
صليت واستغفرت وقلبي وعقلي مشغوولل والله اول من راح يستهبل على طولي وطوله اهله واهلي وش ذنبي يارببي انحرم من اني اكون زوجه لرجال اطول مني ووسيم وحلوو مدري وش اسويي مفكره بعد الاختبارات ارسله رساله واقوله مابيككك لاتخطبني ..؟؟ وش رايكمم انا خايفه تصير مشاكل بين ابوي وبينهممم واكون انا السبب سانااس والله ضاقت بي الدنياااااا وش اسوووووووووووووووووووووووووووو وووووووووووووووووووووووووووووو ووي
وااللي قاهرني كلهم اخواني واخواتي وامي يمدحونه وميتين عليههه كل ماحسيت انه في شي يقولي ارضي واقبلي اتذكر طوله واكرررره حياتييي