طلبتكم .. ساعدوني اخوي متسلخ

وعليكم السلام ورحمة الله وبركاته

اختي العزيزه الله يشفي اخاك ومايشوف شر بإذن الله
في عدة امور تساعد على استمرار التسلخ منها استعمال المناديل وبالذات ان كانت معطره
بس انا مافهمت اذا كنت وديتوه الطبيب او لأ لان استمرار التسلخ بهالشكل مع قيامكم بكل شي بشكل صحيح يدل على وجود التهاب لا سمح الله وبكذا يحتاج كريم مضاد حيوي ولا تتأخرون بالذهاب للطبيب وماعليه الا العافيه باذن الله

على العموم

خليك معاي لازم تحرصون على
الغسل بالماء الدافئ والصابون بشكل خفيف عند كل غيار وهذا مهم ( اذا رفض الطفل يفضل القيام باعطاء حمام سريع للطفل واذا كان أثناء الحمام الطفل يقعد في البانيو او حوض الاستحمام حاولوا مايقعد حتى يخف التسلخ لان قد تكون مسببات التسلخ بالبانيو او الحوض حيث يجب تعقيمه في كل مرة )
والاهم التجفيف التااااااااااااااااام لازم يكون مكان الحفاظ جاف قبل وضع الكريمات مهممممممممم
والافضل منطقة الحفاظ لفتره بلا تغطيه اذا قدرتوا على ذلك حتى يتعرض مكان التسلخ للهواء ممايؤدي الى سرعه شفائه

نجي للشرب والاكل لاحظوا اذا شي تغير في نظام الطفل من بدايه التسلخ
بمعنى هل في نوع عصير وبالاخص البرتقال استخدمتوه من قريب لان بعض انواع العصائر والمشروبات تزيد من نسبه بعض المواد في البول اكرمكم الله فيتسبب الالتهاب والتسلخ
اقطعوا عصير البرتقال لفتره واي شي يسبب للاسهال حتى مايزيد التسلخ
احرصوا على الماء حتى تتوازن الاملاح في جسم الطفل

ملابس الطفل غيروا مسحوق الغسيل لانها قد تكون السبب ايضا
وحتى الشامبو والصابون الخاصات بالطفل قد تكون السببب

كل هذه اسباب مهمه فاحرصوا عليها

واخيرا جربوا كريم الالتهاب فيه فيتامين A و D
مع الزينك لعله ينفع



دعواتك ولا تنسين تبشرينا قريب بشفائه ان شاء الله

مشكور اختي على ردك

حنا وديناه للطبيب وهو اللي وصف لنا الكريم الثالث والرابع
3/ ديفلامول (DEFLAMOL)
4/لجنوبانثين (LIDNOPANTHEN)

النقطه الثانيه هو مايحب يتروش ابداً ابداً يجلس يصارخ بقوة ,, بعدين هو الله يصلحه كل شوي يسوي على نفسه
يعني يستهلك حفاظ كثير كل شوي نغير له

وبالنسبه لاكله هو ماياكل كثير لكن يعتمد على الحليب اللي مع نكهات ( فانيلا - موز - فراولة .....الخ) والعصير
يشرب دايم تفاح

انا اللي مزعجني انه ينزف في هالمنطقه وهو اللي مخوفني والالتهاب وصل حتى على عضوة التناسلي
وصايره كانها حبوب وتنزل مويه وبلاوي واشكال والوان احمر وزهري ، وفيه جروح ماني عارفه كيف اوصفها
لكنها تخرع من جد .. امي قالت لي انها اول مره تشوف التهاب مثل كذا

ان شاء الله بجرب الكريم اللي قلتيه اختي وباذن الله يساعده

اشجان

الله يشفيه يارب

اختي ترا الكريم ماينفع الا اذا حرصتوا على منع كل العوامل اللي ممكن تزيد الالتهاب
واذا كان كل شوي يحتاج تغير فلالالالالالالالالالالازم يتغير له على طول مايترك لحتى الله يكرمك الفضلات تلامس الجرح واهم شي الغسل والتعقيم بالمااااااااء مهم وترا اتكلم عن الالتهابات والتسلخات العاديه لكن اذا زاد ترا يمكن يحتاج مضاد حيوي بشكل كريم واذا كانت الحاله جدا متقدمه يمكن بعد يحتاج مضاد حيوي داخلي لا تهملونه اختي
الله يشفيه وجربوا روحوا لطبيب ثاني

:26:

الاخت عبير نجد ما قصرت وقالت معظم الاشياء ومن اهمها غسل الطفل بالماء وتركه يجف بدون حفاظه اطول وقت ممكن

وبعدين جربي كريم لونه اصفر من الصيدليه اسمه نابكين

انا ولدي من اخذته من المستشفى مولود ومعه تسلخ وصار كانه فطريات وما بقى طبيب ما وديته له وكل واحد يعطيني كريم غير وما فيه شي جاب نتيجة

الين كتب الله اني اطهره ( اختنه ) وعمره شهرين وصرت انقعه بشوي مويه مع ملح خشن مذاب وبعدين اجففه بشويش واخليه بدون حفاظة واشتريت له الكريم الاصفر من الصيدليه لاني ما لقيت درابولين وصارت خيرة

والله بعد تقريبا 3 ايام اختفى الاحمرار والين الحين الحمدلله 3 اشهر ما عد فيه شي وصار جلده طبيعي :26:

بنت قريبتي كانت تشكي من نفس الشي و صفتلها الدكتورة دواء ما اعرف اسمه بالضبط بس هو لونه احمر ونسويه للاحراق والجروح اذا ما اعرفتي ايش هو ممكن اسالك صيدلي عن اسمه العلمي
وقالت ان نتيجته افضل من اي كريم