السلام عليكم ورحمة الله وبركاته
عشر مباركه اخواتي الفاضلات الله يجعلكم ممن يدرك ليلة القدر ويتقبل الله منه
راح ادخل في الموضوع مباااااشره
انا صاحبة موضوع جرحت صديقتي اذا تذكرون
وهذا الرابط
http://forum.hawaaworld.com/showthread.php?t=2428898
وش اللي صاير .. صديقتي واقسم بالله الذي لا اله الا هو مابه اطيب واحن قلب منها دقت علي وقالت يا ام فلان ترا ناس دقوا على اختي يخطبوني ..وان اختي قالت لهم عن العمر وانهم قالوا بنشاور الرجال ونرد لكم..ونجي نشوفها...
والرجال طيب على كلامهم وعنده عيال صغار وهي قالت ماعندي مانع اربيهم احتسابا للأجر وربي العالم.. طبعا هو منفصل وهي رافضه تدخل على حرمه يعني حالفة ماتاخذ متزوج تقول ما ابي احر قلب مسلمه..وهي سننننننننعه ويتيمه وجميله جدا تبارك الرحمن بس ربي مابعد كتب لها النصيب تدرون وش تقول ..
تقول امس مانمت خايفة يجون الحريم ولا يردون واتحطم وخانقتها العبره .. تقول تفشلت من اهلي واخواني .. صرت اشك بنفسي عقب سالفة اللي تقدموا لها قبل ..
وتسالني تقول انا فيني شي ؟؟
قلت تعوذي من ابليس وش فيك مافيك ..انتي ادعي واستخيري
طلبتكم يالغاليات ادعوا لها ولبنات المسلمين في ظهر الغيب يمكن فيكم من لو اقسمت على الله لأبرها ..ادعوا لها ان كان فيه خير لها ييسر ربي امرها وياه ..والله لو تعاشرونها ان تحبونها .. طيبه لحد انها تنسى نفسها وتخدم اهلها واخوانها ..
الله يعطيكم ماتمنون ادعوا لها ربي يفرج عنها ويفك تعطيل الزواج عنها وكل من كان حاله زي حالها ..
تنازلت عن اشياء كثيره واهدافها تبي تسعد الغير وبس لدرجة انها نست هي نفسها وش تبي ..!!
على فكره هي صديقتي .. واختي من الرضاع .. وعلاقتنا قوووووووووووووووووية جدا ..
طلبتكم لا تردوني ..واللي عندها ام تقول لأميمتها تدعي لهاليتيمه اللي راح عمرها وهي قايمة بوالديها ..وماعند الله ما يضيع..
خانقتني-العبرة @khanktny_alaabr
عضوة جديدة
يلزم عليك تسجيل الدخول أولًا لكتابة تعليق.
ابتسامة انثى الله يغفر لوالديك ويجزاك الجنة ..
حلوة تميم الله يحفظ لك والديك وعيالك وزوجك ويسهل بناء بيتكم يارب ..
حلوة تميم الله يحفظ لك والديك وعيالك وزوجك ويسهل بناء بيتكم يارب ..
الصفحة الأخيرة
يا رب ان كان في هذا العريس خير لها في دينها ودنياها وعاجل امرها وآجله ..
فاكتبه لها واجعلها اجمل البنات وافضلهم في عيونه وعيون اهله ..وبارك يااااارب لها فيه .. وسخره هو واهله لها
يارب ارزقها من الخير كله عاجله وآجله وجميع بنات المسلمين