طلبتكم لاتبخلون علي بارائكم > اول مشاركه لي

السلام عليكم ورحمه الله وبركاته


هذي اول مشاركه لي بالقسم وبالمنتدى كله لان اغلب وقتي اتصفح المنتدى ويشهد الله علي اني دايم اقرا مواضيعكم وادعي لكم من قلب ... ادعي لنفسي وادعي لكم


مشكلتي يابنات اني مريت بظروف صعبه حسيت بحزن وظلم وكنت دايم ادعي ربي ان الله يسعدني وينصرني ويرزقني بالزوج الصالح اللي يكون سند لي

وبعد فتره من الدعاء ومازلت ادعي ربي تقدم لي كذا شخص كانو غير مناسبين بعدها تقدم لي شاب ملتزم وملتحي
محافظ على الصلاه سالو اهلي عنه مدحوه بالاخلاق والطيبه ووساعه الصدر واهلي عاجبهم الرجال

ترددت كثير لما تقدم لي الشاب الملتحي ... ولاتستغربون مني .... لاني وبكل صراحه خفت يكون متشدد ومعقد
وانا انسانه عاديه يعني اغلب وقتي عند الدش واحب السفر للخارج ولبسي عادي يعني مو ملتزمه
بس مو معنى هذا اني بعيده عن الدين لا وربي اصلي الليل واقرا قران واتصدق واتسنن يعني محافظه


يابنات انا خايفه يمنعني من حريتي ومايحط تلفزيون ويتشدد بالطلعه من البيت اخاف ماارتاح معه وهو عارف اني انسانه عاديه


طبعا انا استخير ومازلت متردده ومو مقتنعه مرات اقول اخذ ملتزم احسن من يجيني صايع ومايخاف الله واخاف ارفضه
وربي يعاقبني :icon33: ومرات اقول اكيد بيتشدد علي وبيعقدني وبيحرمني من كل شي >> هذاابليس على قوله امي :09:

محتاره وخايفه ومتردده ونفسيتي زفت وكارهه كل شي :icon33:


يابنات تكفون عطوني ارائكم واللي متزوجات ملتزمين علموني عن تعامل ازواجكم معكم ومدى تشددهم بالدين
وهل عادي يحطون ببيوتهم تلفزيون ويسافرون برا والا مستحيل

لاني ماعندي خبره ويمكن اكون اخذه فكره غلط عن الملتزمين

ساعدوني الله يخليكم