السلام عليكم ورحمة الله وبركاته
كيفكم يا أحلى عضوات بأحلى منتدى ....
أنا عضوة جديده واتمنى تتقبلوني وتكون صدوركم رحبه وتتحملوني انا وموضوعي الثقيل ..:44:...
انا انخطبت لولد خالتي وماكنت موافقه بس حطوني قدام الامر الواقع ورضيت غصب عني طبعا المهم نسيت الموضوع وما اعطيته أي اهميه لا ني انشغلت بالدراسه وبعض الظروف الي مريت فيها وعمري ما فكرت بالموضوع بالمرة يمكن ما تصدقون لكن هذا الي صار وبعد اربع سنوات شفت شريط فيديو له مع اصحابه في رحلة بحرية بصراحة الشريط كان عادي لكن والله لفت انتباهي لاشياء كثيرة ما كانت على بالي ومن وقتها بديت أفكر بالموضوع ويااااااااليتني ما فكرت بس عشت حالة من الحيرة استمرت يومين كامله سبحان الله استخرت ياااالله على الراحة الي حسيت فيها والله ما توصف طبعا طلع لي الرفض وفعلا قويت قلبي ورفضت رغم المعارضات والله اني تعذبت عذاب الله لا يوريكم نفسيتي تعبت مرة لكن مع هذا كله كنت مصرة على رأي وأصريت لأكثر من سنة وانا احاول اني ما اضعف واتراجع وفعلا انتهى الموضوع وبعد سنة ثانية قدر الله إنا نرجع لبعض والله ثم والله ما ادري وش الي خلاني اوافق وارجع له لكن هالمرة مانتظر كثير على طول سوى الملكة والله يوم حسيت الموضوع جد فكرت اتراجع بس صعب والله صعب والمشكلة انه بعد الملكة حسيت انه يحبني حب ما تتخيلونه والله لما يبين لي هالحب بدل ما افرح اتعذب لانه بالمقابل يعتقد اني ابادله نفس الشعور او اكثر هو مو داري اني ماااااااااااأحبه ابد حاولت لكن كل محاولاتي فشلت في اني احب هالانسان ولو حب بسيط وكان دائما يطلب مني اعبر عن الي في قلبي واقوله احبك كان ينتظر هالكلمة قلت له انتظر لبعد الزواج لان احنا الحين في فترة الملكة لكن زي مايقول المثل كثر الدق يفك الحام انا قلت بسكت ويمكن بعد الزواج اقدر احبه لكن هو طلب مني مرارا وتكرارا ان اكون صريحة معه في كل شي وفي النهاية قررت اقول له على الحقيقة ويصير الي يصير هو الي طلب عاد يتحمل وفعلا قلت له انت انسان عادي بالنسبة لي يعني ما احبك ولا اكرهك طبعا هو زعل من هالكلام وقرر انه يقدم الزواج وقال كلام كثير له اول ماله تالي والله اني انقهرت منه بس انا فضلت السكوت طبعا ندمت اني صارحته وحاسه اني تسرعت والحين ماني عارفة وش اسوي لانه مصر يكلم اهلي ويقدم الزواج وانا مااتمني انه يتقدم المهم انا ااااااسفة لاني طولت بالكلام والمفروض اختصر اكثر من كذا لكن اتمني تطولون بالكم علي اتمني ما تبخلون علي بأرائكم تكفون طلبتكم لا تردوني
واسفة مرة ثانية لا ني اتكلم كثير
:26: :26:
BINT AL- BLAD @bint_al_blad
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
قومي بسرعة اغسلي وصلي الاستخارة واقري قراءن
واذا جا الليل هنا عاد كبي العفش كله وفضفي لربك همومك مع دموعك بقلب خاشع وذليل
وكل يوم سوي نفس الشئ
وكثري من الاستغفار والصدقه
اذا سويتي هالشئ بالضبط والتزمتي فيه تأكدي انه امرك صاااار محلول وقلقك اصبح في خبر كاااااااااان
جربي وشوفي
انتي مافيك الا تردد وماراح يحل هالتردد الا الاستخااااااره المخلصة
وموفقه