طلبتكم لا تردوني

السلام عليكم خواتي بنات حواء
رجعت لكم مره ثانيه وانا كلي امل انكم تساعدون اختكم المكسوره. باختصار انا عمري 21، من 9 شهور عرفت واحد وحبيته وتعلقت فيه وبعدين صدمني، قالي اهلي مستحيل يخلوني اتزوجج. كسر قلبي و حسيت بذل، كني مو كفؤ له مع اني بنت ناس معروفين والحمدالله متعلمين و مدينين و محافظين. ظلمني لمن علقني فيه و هو ادرى بظروفه بس قالي مو باختياره حبني و لمن حس اني مو قادره افارقه ولا اشوف نصيبي مع غيره قسى علي لحد ماطفشني منه وبعدني. حاولت انساه وربي حاولت بس مو قادره، اكثرت من الدعاء والعباده عشان الله يفرجها علي و من شهرين الله سخر لي ولد الحلال الي شاريني. وافقت على الخطبه على اساس ان نملك بعد التخرج، يعني هالصيف باذن الله. والله يا بنات انه خوش رجال و يموت فيني بس مو قادره احبه واحيانا احس اني مو طايقته! كرهت نفسي و كرهت حياتي ولو لا خوفي من الله كان علوم وش سويت. الي صار اثر على صحتي و دراستي. احيانا افكر افسخ الخطوبه عشان ما اظلم هالمسكين بس وبعدها وش اسوي؟ اقعد اتحسر على عمري؟ المشكله ما اقدر اتخيل حياتي مع واحد غير الانسان الي حبيته وبصدق تمنيته وكنت مستعده اضحي بكل شي عشانه. ادري بتقولون لي انسيه لانه باعج و خدعج و ما يستاهل بس هالكلام سمعته وايد و ما مسح دموعي و لا داوا جروحي و لا صبر قلبي. انا مو اول وحده تفارق الي حبته بس انا مو قادره اعيش حياتي طبيعي. ماقدر افرح بشي وافكر في شي غيره مع ان هجرته من شهور.
تكفون شسوي قولوا لي و ادعوا من الله انه يهديني و يصبرني ترى قفدت كل امل الا فيه سبحانه