طلبتكم من لها تجربه او تعرف احد غير تاريخ ميلاده تدخل

السلام عليكم

انا لحقني ظلم كبير بتاريخ الميلاد وسجلت اكبر من عمري ب 5 سنوات ومكان الميلاد غير صحيح ابدا وشهادة ميلادي غير موجوده ومدري اذا لي بسبب كذا توقف حافز والله يستر من اللي جاي
اللي ابيه الحين كم تاخذ معاملة تعديل العمر وهل يوافقون عليها ؟ راح شهرين وهي ملطوعه عندهم واخوي بااااارد لان الموضوع مايخصه ومو حريص ابي اعرف وش اسوي الحين وشهاداتي الجامعية والمدرسية وخبرات التدريس ايام العقود كيف اغيرها مستحيل اروح لكل مدرسه درست فيها تعببب هل لازم اغيرها ؟ من لها تجربه او سمعت عن تغير العمر كيف تصرفوا بالشهادات اهم شي لان الباقي معروف من بطاقات وجواز

الله يخليكم يامشرفات لاتنقلونه اوضاعي مضطربه بسبب كذا ان ماقطرا اغيره خلال شهر خلاص يمكن تروح علي ومن تعرف احد باحوال الرياض يقدر يساعد لا تبخل علي فيه
والله اني في ضيقه وحوسه وقلق مايعلمه الا الله :(