طلبتكم والله العظيم محتاجه ترفعوا معنوياتي متمنيه أكون حامل تعالوا الله يبشركم بالجنه

والله محتاجه دعواتكم .. هذي انا متمنيه أكون حامل عندي ولد عمره 5 سنوات حملت به بعلاجات ويارب لك الحمد والشكر ان رزقتني به .. لي 4 سنوات وأنا بدون مانع قبل مااستخدمت ولاشي سنه عزل وتركتهاخذت منشطات طبيعيه كل شي جربته الحمد الله عسل مع غذاء ملكات نحل وطلح نخيل
قسط هندي
عشبة المدينه
مراميه اناناس الله لااعتراض على حكمك
رحت للحريم يسوا مساج وتمريخ كم مره الحمد الله
...راجعت الدكتوره في مستشفى حكومي وبدءنا كورس العلاج ووقفته العلاج لي سنه خلاص حسيت اني تعبت ومليت مره
..هذا الشهر صليت الاستخاره ورجعت للدكتورة وانا في قلبي صرخه والله عيوني الدموع محبوسه قلت لها ماحملت الى الان ..قالت لي راح اعطيك كورس منشط خفيف مع ابرة التفجير .. والحمد الله ربي يسر الامور لين ضربت الابرة وكانت قوتها 10000.
.اليوم لي منها 9 أيام ,, والله من يوم صحيت الصبح وأنا مخنوقه ودي ابكي بس مو قادره بنات تعبانه خايفه احلل يوم ال14 منها وماأكون حامل والله بس اتذكر أمسك صدري وادعي الله من قلبي اسأله برحمته أن يستجيب لي .. اللهم اني عبدك المضطر الضعيف الذليل الذي لايملك لنفسه نفعا ولا ضر أسألك ان تمن عليه بالحمل الثابت السليم .. طبعا ماأحس ولابشي غير يوم 7 و8 مسكني مغص وامس جاني زي التشنجات بالرحم شد قوي مره لدرجة مسك الباب لاني كنت واقفه وصرت اقول يارب يارب ..وألم ظهري ..
ونغز بين كل فترة وفترة بالمبيض الاكان فيه بويضه .. الى اليوم
أما المغص لا ماحسيت اليوم وعندي غازات فظيعه ..
الا ضيق صدري نزلت عليه افرازات مايله على صفار وفي تكثل بسيط وخيوط تشبة الله يعز النعمه الزبادي .. وسمعت نزول الافرازات الصفرا يعني مافي حمل ضاق صدر والله مره
وألم صدري احس منفوخ ماابغى احد يقرب مني ..حتى لمن يجي ولدي بالغلط يضرب فيها احس بالم ..
دعوا لي والله تعبت وأنا انتظر كلمة مبروك حامل .. يارب أسمعها بعد كم يارب
مين اخذتها وحملت واسمعت احد أخذها وحمل
بنات كل وحده تقول قبل تعرف انها حامل ايش حست الله يسعدكم لاتبخلوا عليه للعلم انا بديت احلل من امس كان موجب من الابره طبعا .. واليوم الصبح موجب خفيف .. وتوه حللت مافي خلاص سالب الهرمون بكذا اختفى من جسمي الحمد الله وكلمت الدكتورة وقالت خلاص بعد 4 ايام من اليوم نحلل ونشوف دم رقمي كمان ..اللهم لك الحمد
برنامجي من فترة طويله الاستغفار سورة البقرة الحوقله الصلاة على الرسول ..
للعلم انا باخذ الدافستون وكتبت لي الدكتورة الى موعد التحليل مااتركه