طلبتكم يااخواتي المصريات ساعدوني

انا بأعمل الفلافل :
1/2 كوب فول مدشوش
1/4 كوب حمص شام ( بيخلي لونها فاتح)
ينقعوا حوالي 12 ساعة ثم يصفي الماء ويوضعوا بالكبة و يضاف
بصلة متوسطة- فص ثوم- خضرة- ملح وفلفل- كسبرة جافة- بيض
تكون العجينة لينة وتوضع بمعلقة في الزيت وبالف هنا

اتفتت لان العجينه كانت سائله اكيد

لا اله الا الله

بتتفتت لو كانت سايلة زى ما قلتى
احنا بنضيف عند القلى فقط شوية بكنج بودر او بيكربونات صوديوم علشان تبقى هشة لو زاد مقدارهم هتتفت الطعمية انتى وبتقليها كمان انا بضيف قد ملعقة صغيرة ممسوحة لمقدار يكفينى انا وزوجى وعيالى الثلاثة

انا بعمل نصف كيلو الفول المدشوش اللى هو متقشر يتنقع طول الليل وبضيف لة عند الفرم بصلتين كبار -راس توم كاملة- حزمة او ربطة بقدونس كبيرة لو صغيرة حطى اثنين وممكن تضيفى شوية مية قليلة يعنى ربع كوب وبعدين تكيس وتوضع بالفريزر وتطلعى بالطلب وكل واحدة بمقاديرها وطريقتها

يعنى انا مثلا مش بحب طعمية المطاعم بحب الطعمية اللى اتعودت عليها فى مصر الساندوتش عبارة عن عيش او خبز اسمر المصرى بنحط كام واحدة من الطعمية ماشى ونكون مجهزين سلطة خضراء عبارة عن حبتين طماطم مثلا خس وجرجير ولو عايزة تضيفى بصلة صغيرة ممكن حسب الرغبة وتملحيها وليمون وزيت طبعا وضيفى من السلطة على الطعمية فى الساندوتش وكلى بالف هنا وشفا طعم مختلف تماما عن طعمية المطاعم انا صعيدية وبنحب ناكلها كدة وكل المحلات كانوا بيبعوها كدة فى مصردلوقتى فى كتير بيعملوها زى المطاعم الموجودة هنا الخبز الابيض او اللبنانى مع الطحينة وعلى العموم الناس اذواق فى الاكل -----رغيت كتير انا عارفة
ابقى قولينا على مقدارك وطريقتك علشان نعرف الغلط فين انا عن نفسى مرة زاد منى البكنج بودر واتفتت الطعمية عند القلى ومش انا وبس كتير مننا حصل معاهم كدة يعنى عادى ---

الله ينور عليكي يا مهاجرة مصرية انا برضوه برد على الاخت و بقولها انها من الافضل انها تضع بيكنج بودر احسن من البيكربونات لانه لون الطعمية بيكون حلو و ما بتتفتتش و احب اقولها ان سبب الفتفتة ده من البيكربونات زاد منها شوية
و يا رب اكون افدتك
سلام