طلبتكم ياا بنات شووه ارد عليها ..؟؟!!

السلام عليكم ورحمة الله وبركاته ..ياا بنااات حرمة اخووي ما اشتكي شي منها والحمدلله بس الشي الوحيد اللي يضايقني انها لما تجلس معاي وبروحنا كل سوالفها تشتكي من اخووي انه سوا وسوا وسووا واخوووي طبعه هااادي كثير .. تقول انه ما يهتم فيها ابد ولما تروح عند اهلها ما يسأل عنها بس لما هي تسأل واوقات ما يرد عليها او بعد فتره طويله يرد عليهاا ولما تسوي له حفلات هو ما يرد لها معروفها ولا يسوي لها حفلات وانه موو رومنسي ولا يعرف شي ..ولما تمرض ما يهتم ولا يحس فيها مع العلم انا اشوفه قدام عيوني لما تمرض ما يطلع من الغرفه طول اليوم معاها ومضايق وحالته حاله وبعد تشتكي انه ما يجلس معاها فـ الغرفه وإذا دخل كله بس وقته نوم واغلب اوقاته برا البيت وهي تعاتبه على اي سبب تافهه وبصراحه اخوي بحكم ان دوامه بعيد يروح اسبوعين دوام واسبوعين اجازه ولما يكون فـ اجازه هي تروح بيت اهلها ولما يكون فـ الدوام ما تروح بيت اهلها ..وهي كثيييير تبين وتلمح لاهلها بأنه ما يهتم فيهاا ومعاهم عادات احنا معانا عيييييب مثلا من عاداتنا عيب الزوج يروح ينام فـ بيت اهل زوجته وهي تطلب منه كثير وتكلم اهلها علشان يقنعوه وهو يقول لهاا عيب وما حلووه وانا استحي بس هي تحاول تقنعه.. وتقول بأنها ترسل له مسجات طويله وعريضه تعاتبه وهو بس يرد عليها تمام وبصراحه وايد تخلي صور وحالات فـ الواتس عتابيه قويه توضح بأنه ما يبيها لدرجه ربعاتها جابوا ارقام خواتي يسألوا اخوكم شوه مسوي فيها واول ما كنت كذي ولحين من تزوجت كله مضايقه ومادري شووه.. يعني ما المفروض العالم يعرف ..طبعا ما اظلمها واقول ما خبرت ربعاتها بللي يصير لانه كثير بعد تسولف عن ربعاتها ومعاملات ازواجهم معاهم مع العلم اخووووي موو مقصر عليها بشي يجيب لها كل شي تصوروا اي فون خاطرها فيه يجيبه لها من غير الاشياء الثانيه وطلعاتهم ما شاء الله وايد يوديها اي مكان تباا لكن كثير تعاتبه على طلعاتها بس مادري تفكيرهاا كيف ..مع العلم لما تخبر خواتها عنه يحسدونها عليه يقولوا يحظك فيك لانه موومرتاحات مع ازواجهم ومشاكل..طلبتكم ياابنات بالله عليكم شوووه ارد عليها لما تشتكي لي ؟