طلبتكم يابنات حواء تدخلون صديقتي محتاجتكم ضروووووووووري

كل عام وجميع بنات حواء بصحه وعافيه وسعاده
:)
حبيبات القصه ومافيها تخص واحده من صديقاتي محتاره وماتدري من تستشير فطلبت مني اكتب لها في عالم حواء لانها من اكثر المتابعين لمواضيع الاخوات في المنتدى و ليس لها عضويه فطلبت مني اعرض قصتها وتطلب منكن المساعده بتقديم المشوره الله يجزاكن بالخير

صديقتي عمرها 33سنه تقدم لها شاب عمره 28سنه موظف وعلى خلق ومن عائله محترمه اهلها مقتنعين فيه بس هي رافضه لانه اصغر منها
رغم انهم قالوا للخاطب انهااكبر منه وعلموه بعمرها بس هو قال ماهو مهتم لمسئلة العمر وما عنده مشكله يتزوج واحده اكبر منه
بس هي خايفه انه بعدفتره يندم على انه اخذواحده اكبر منه وتعيش في مشاكل او يتزوج عليها

تقول استخارة اكثر من مره وهي تبغى استشارتكم وذااحدمنكن تزوجت اصغرمنها اوتعرف احد كذا تكتب عن تجربتها وهل ندمت على هالشيء اولا

الله يسعدكم ساعدوها لانها ماتبغى تتسرع وترفضه خاصه ان فرصتها بالزواج من شخص غير متزوج يمكن تكون نادره او معدومه وفي نفس الوقت تخاف توافق عليه وتندم في المستقبل

الله يجزاكن خير ويحقق لكل واحده امنيتها
كل من تطلع على الموضوع تضيف رايها بصراحه من غير تجريح او على الاقل ترفع الموضوع