طلبتكم يابنات.. مضاعفات مابعد خلع السن سببت ليّ معاناة وأمراض

السلام عليكم ورحمة الله وبركاته
بدأت معاناتي بسن وسبب لي صداع لدرجة ان الألم كان يمسكني برقبتي وبين كتوفي ورحت لعيادة اسنان وقالت الدكتورة لازم خلع واعطتني مضاد ومسكن وارجع لها بعد أسبوع وانا النوم ماعاد عرفت انام واذا نمت يتقطع نومي اصحى واقوم وجا اليوم الموعود ومشاعر فرح وخوف اني بخلع السن واني برتاح من الالم وخلعته وقعدت كم يوماش مارتحت وجاني شي بغيت انهبل احس النوم ماعرفت انام وقالولي اكيد اذنك ورحت كشفت ولقيت فيها التهاب واحتقان وعطوني بعد مضادات وحبوب دوران لاني كنت احس بدوخه وعدم اتزان وماش ماتحسنت مره وكانت عيوني احس فيها بحرارة وجفاف وتتعبني وقلت اكيد من كثر الصداع ورحت راجعت طبيب اذن وانف وحنجرة وقالي لسى الالتهاب ماراح بالاذن والمفروض انك جيتي اخصائي اذن من اول وبعد ماراح الالتهاب وكشف على اذني وقال راح الالتهاب بس عندك قناة استاكيوس متسكرة وفيه مويه عالطبله وانا احس بزي الضغط عالاذن ومرات عالانف زي الشي يتجمع وبعدين يفك وقالي الدكتور هي مسأله وقت وترجع تنفك القناة من نفسها والمهم واروح لدكتور أسنان ثاني لانه طلع لي خراج مكان السن المخلوع ويسوي لي اشاعة مكان السن ويلقى باقي كسرة سن وجذور وينظفها لي والحمدلله على كل حال وقالي ترى اعتبري نفسك توك خالعه واعطاني نصايح امشي عليها وقالي عملية الخلع زيها زي اي عمليه لازم تاخذ وقت على بال ما اللثه تطيب وعظم الفك إلخ ماعليه طولت عليكم بس ابي اعطيكم التفاصيل لاني تعبت والله محد يعلم بحالي الا رب العالمين اهملت بيتي وعيالي رحت لاستشاري اذن وانف في مستشفى ثاني وكشف على اذني وقال اذنك سليمه ولا فيها مويه راحت المويه من نفسها الحمدلله وكشف على حلقي والجيوب الانفيه ولقى فيها التهاب وعطاني علاجات طبعا في خلال هالشهرين مراجعات وانا عالمضادات وادويه ثانيه ومسكنات انقطعت الدورة اخر دوه كانت بشهر 6 ونزلت بشهر 7 يومين بس تنقيط وافرازات وانقطعت وبشهر 8 هذا يوم جت اعراضها وقامت تنزل افرازات كثيرة قبلها ويعطوني ابرة المضاد عشان الحلق وتختفي اعراضها وسويت تحليل حمل مافيه حمل الحمدلله واليوم خلصت المضاد بس والله ياتعب بجسمي وظهري احسه بينكسر اسفله وعظامي احس جسمي منهد وتعبان يالله اقوم لا صرت ببيتي اطبخ ولا اغسل والحين جاي رمضان وانتوا عارفين الشغل مدري وش بسوي وثقل الراس ذبحني من انفي واذني لين الحين احسها مكتومه ويجي فيها زي الضغط واسمع بها طقطقه الحمدلله عيوني تحسنت الحمدلله عن اول مع العلاج بس شكل الجيوب لازالت ومن دورتها انقطعت مثلي مع الادوية والمضادات والله محتاجه احد ينصحني ويرشدني وش اسوي حتى نومي والله ماعاد زي اول مرات انام ومرات نومي مقطع الله المستعان ادري طولت بس دعواتكم لي الله يشفيني قبل هالايام الفضيلة وكل عام وانتم بخير