طلبتكم يا لخبيرات شوفوا حل لشعري

صباحكم عسل وقشطة
هذا الله يسلمكم شعري عادي فيه شوية نعومة بس جاااااف ومتقصف لأبعد الحدووووووووووووود :icon36:
وينفش بشكل مريع بالذات أيام الحر :icon36:
مع إني تركت الاستشوار من فترة طويلة
فقلت خليني أقص شعري من أطرافه :3_2_21v: وأبدأ رحلتي مع الطبيعة
أول شي وقفت الشامبو الكيماوي والسيروم والكريم وما راح أستعملهم أبد ( بس لمن اشتاق احط شويتين)
واستخدمت مايونيز+ صبار+ زيت سمسم للترطيب لمدة ساعتين لحد هنا حلو
ولمن أغسله استخدم شامبو السدر إللي هو سدر+ ماي فقط (طبعا مرة بالاسبوع)
أول مرة سويتها صار شعري مبدئيا حلو ثاني مرة حلو بس إللي ورا جف جفاف مو طبيعي ونكش نكشة الله لا يوريكم مع إني أحط شوية زيت سمسم لمن يكون مندي إيش الحل معاه؟؟؟
وكمان لمن أحط شامبو السدر ما أحس إنه ينظف شعري مرة زي الشامبو الكيماوي إيش الحل
ومرة جربت صابونة الغار وبرضو حسيت الشعر ما ينظف
لا تبخلوا علي باأرائكم السديدة
دمتم في حفظ الرحمن :tongue: