طلبته لانه الحل الوحيد بالنسبه لي !!

كيفكم بنات ..طبعا تعرفون زوجي تزوج قبل شهر تقريبا..ايش تتوقعون صار ؟؟هملني انا وولدي. لو اروح بيت اهلي ماالقى اللي يرجعني. نظف سيارته للعروسه وماصار يودينا اي مشوار. كل شي لا..طبعا هجرنا في ...ويجي كل يوم يلبس وياويلك يلقى الثوب ماهو مكوي. والا الملابس ماهي في الدولاب ..يسب ويشتم. واذا خاولت اجلس معاه جلسة عتاب. يهيج ويطلع علي الاول والتالي واطلع غلطاانه. قلت له نسيت ايامنا الحلوه. قال نسيتها وانتي كمان انسيها. اخذت وحده طول وجمال وبياض. وانا طيب وربي رزقني بالطيبين.وانتي تعبانه وانا جاملتك كثير. حسيت اني معاه حثاله مااسوى وهانت علي نفسي رجال عايفني. ارمي نفسي عليه. انعكست نفسيتي على ولدي. صرت اضربه واكرهه. صار عنيف ..والبيت اللي كنت متعلقه فيه. صار بالنسبه لي جدران وبيبان مافيه يروح. طبعا يقول العدل في المبيت والنفقه. يقضي للبيت اغراض. وليلتي يدخل اخر الليل. يسهر على اشغاله لحد اربعه او ثلاثه. وبعدين يدخل بشويش ينام على طرف السرير. والله ماينقلب. الا لمن اقوم. ويوم مايتخاصم معاها. ياويلنا. ياكل لوحده. ويجلس لوحده. ويكره العالم. احسه لقي الحب اللي يبغااه. وصرت مالي داعي. وهو ماعاد يعني لي شي. طلبت الطلاق عشان مايجيني مرض والا عله. وعشان اربي ولدي صح. بعيد عن دلعه. وقلة ذوقه. ايش رايكم في قراري. خاصه الاوليات. الملكات