طلبت ابويه رقم حسابه وزعل ...........والله موقصدي

السلام عليكم ورحمة الله وبركاته
حبيباتي قبل دقايق كلمت امي اسلم عليها واسال عن حالها هي والوالد
فكانت امي مستعجله لانها مواعده الجيران
فقلت لها طيب خلاص بس قولي لابوي يرسل رقم حسابه ابغاه لاني في مدينه وهم في مدينه
واخوي اللي هنا كل شويه اطلبه وهو بعدين بعدين
وطبعا هذا لاني استلمت حافز وابغى افرحهم واعطيهم نصيبهم منه
فكان موجود جنب الوالده وسمعها
لما سالتني امي وش تبغين فيه
وزعل على قال انا مابغى منك ولا ريال وحلف مايجيني منها ولاريال
انتي وزوجك وبنتك اولى بها
انا في خير ونعمه وما علي قاصر
انا عارفه ان ابوي مو في حاجتها وربي منعم عليه بس هذا الشي يفرحني قبله
ولاجا في بالي انه راح يزعل كانت نبرت صوته عاليه وواضح عليه انه زعل
قالت امي قفلي على الموضوع وانا قلت لك ولاختك ابوك راح يزعل
الحين على حلفانه قلت ماراح اعطيه من حقت الشهر هذا
بس انا مصره على رائيي معليه منه
تؤيدوني ولا لا