طلبت البقاله وانصدمت

سلام عليكم 
بفضفض لكم بتكلم بصفتي مواطنه مغلوب على امرهاااا 
لاوظيفه لا حااافز على الله ثم ابو العيال 
المهم طلبت اغراض من البقاله مع انه دايم اتصل بس اليوم 
بالذات انصدمت من الاسعاااااار طلبت اشياء نادرا ماطلبها 
نبي نعيد بالراتبين 😛بس ماعند التجار عيد 
طلبت اغراض وكاتبه اسعارها بورقه 
المهم انصدمت بالمبلغ الكبير واتصل عليهم ليش كذا 
المهم انه قال شي اخذته وبسعره طلع المبلغ صحيح يالهوووووي 
حليب صافيو طلبت مجموعه كثير طلع بريال ونص 😡متى رفعوه 
طيب امنا بالله البيض 18 بدال ماكان 14 ليش كذا 😢
الزيت 22 بدال 15 حسبي الله ونعم الوكيل 
التوست زاد نص ريال طبعا هم يتدجوا بالنص عشان الناس تستهين بالزياده
طبعااا البقالات تهون مع اسواق الملابس تجي ملابس ماتستر اللي يلبسها 
بذيك القيمه حسبي الله ونعم الوكيل
الى متى والاسعاااار في زياده مستمره ياتجاار خافوا الله
حتى الشعب الله يهديهم مافي تعاون اذا شافوا حملة مقاطعه الواحد يقول
اش دخلني طيب انت مو من الشعب
الله يعين اللي رواتبهم ضعيفه وحسبي الله كل تاجر يستغل المستهلكين