السلام عليكم و رحمة الله و بركاته
أدري خواتي طفشتوا من الحزن والمصايب بس مالي غير الله ثم انتوا يعلم الله بحزني و خيبة أملي و قلبي المكسور الله يبعد عنكم الحزن و الهم يمكن الاقي عندكم الكلمه الطيبه ولا النصح
انا متزوجه من 10سنين عندي بنت وولد قبل سنه و شهور تزوج علي زوجي برغم اني مو قاصرني شي طيييبه لحد السذاجه و حلوه و ام مثاليه وزوجه مطيعه والله مو مدح ولا أجبر نفسي هاذي الحقيقه بس النصيب انصدمت بزواجه ويقولن انها ما وافقت الا لانه وسيم طيب فيه الف واحد شاب ووسيم ومقتدروهي باقي بنت ليش تخرب بيتي هذا أمر الله لكن الي بيني وبينه انكسر حاولت اتطلق وارجع له في كل مره تدرون ليش !!
طوال فترة زواجه عاملني معامله قاسيه يسبب مشكله من لا شيء عشان يروح لها والله اني اول ما ادري انه يبي مشكله اشيل نفسي وابعد عنه لاني مقدر حتى اصرخ او ارد او حتى ادافع عن نفسي بااااااااااله مشغوووول فيها 24 ساعه و هو معانا احسه ع اعصابه حتى ع السرير يحسبني نايمه يتراسل معاها كنت دايم اروح لامي لان امي مريضه و كبيره بالسن وماعندها الا انا واختي الكبيره اختي هاذي بمدينه بعيده وماعند امي غيري وخواني تدرون ماحد يهتم بلام كثر بناتها كان اول يتضايق لكن اللحين يقول لي باليوم الي هو عندي وش رايك نروح لامك و اوافق وانا مستغربه و بنفس الوقت طايره من الفرح و لما اروح يجلس شوي و يستأذن يقول انتي نامي عند امك !!! ونفس الشي يوديني لاهله ويروح ع قولته للاستراحه وهو رايح لها / احس كرامتي في الارض وقتها ,, قلت اول الشهورلسى فرحان وطاير فيها لكن سنه وهو مجافيني حتى الهديه ما شفت منه حتى الكلمه الحلوه ما اسمعها منه ! احسه يدوورمشاكل عشان اطلب الطلاق الثانيه تبي تكون لحالها و كنت متمسكه فيه وهو بايعني يجرحني بكل بساطه ولا يهمه زعلي دايم يقول انتي ع نياتك مسكينه !!
انا من عائله ميسوره الحال و يمكن اقل من كيذا هو من عائله غنيه و ناس شايفه حالها دايم يقول اني ما اعرف بالاتيكيت و دايم يحسسني نحن اقل منهم بكل شي دايم يقول اهلك ع نياتهم واللللله خواني وامي مرررره طيبين وناس نفهم بالعيب و نكرم الضيف بس مو باين بعينه اخر مره صرخت في وجهه وكانت المره الاولى بحياتي و طردته من البيت تدرون ليش كنت عند امي و حنيت ايديها الله يخليها لي تحب الحنه مره و يوم رجعت لبيتي دخلت وهو موجود عادي سلمت و هو ع السرير وانا طالعه قال تعالي شوي رجعت له مسك ايدي و قعد يطالعها قال بالله هاذي يدين شافها حمرا من الحنه انا سمعته ولا لا تجمدت مكاني ودموعي اربع اربع بدون مااحس و خرجت و ادخل المطبخ واطيح ابكي وابكي وابكي وجى صوبي فصرخت في وجهه وقلت ودي يتوسخ وجهي بالحنه عشان امي و قلت له برى و دخلت في صراخ هستيري اول مره انفعل بهالشكل طيب تزوج علي ليش يعاملني بهالقسوه !! والله اني كافيه خيري شري حتى خواته اغلبهم يحبوني !! تعبت منه موقف جرحني اكثر اول مره اجتمع بزوجته كان ببيت اهله ك عادتي واقفه ع رجولي اساعدهم و لا اقوم بالضيوف المهم كان ثاني يوم بالعيد دخلت زوجته وسلمت عليهم و يوم شافتني وقفت تسولف مع اخت زوجي انا كنت واقفه و مشيت قلت بلاش مذله دخلت المطبخ و الا و حماتي وراي قالت ليش ما سلمتي قلت لها هي صدت قالت يمكن خافت من ردة فعلك قلت بكل برود والله قلبي صار حجر ما فرقت معاي ولاهمني سلامها و كملت يومي طبيعي ولا كأني اشوفها باخر اليوم راحت الضيوف وقلت اطلع الم اغراضي و اجهز اغراض اولادي وانا طالعه اسمع صوت زوجي و خواته و لمحتني زوجته الثانيه مريت ولا كاني اشوفهم ودخلت الغرفه وطولت وانا ارتب وانا خارجه اشوفها الا وهي قاعده جنب زوجي وحاطه راسها ع كتفه و مشبكه ايدها بايده وخواته جنبه و يسولفون جت عيني بعينه و احتقرته و مشيييييت و اتصلت ع اخوي ورحت لبيت امي تصدقون ما وقفت دمعتي هي نوياها شينه طيب حتى هو معاها مو حاسب لي حساب ليش تحاول تستفزني وهي تدري ما وراي وجع راس ! هذا غير رسايلها وهو عندي و غير اتصالاتها وهي عند اهلها واذا بيروح مشوار يكشخ اخركشخه ولازم يدق الباب يسلم عليها حليلها يتطمن عليها وانا اكشخ والبس و لا يلتفت لي هذا الكلام بعد الزواج
حماتي قبل كانت تسولف لي مدري وش غرضها برغم انها تبين لي الطيب و انها تحبني تقول ان الثانيه لاعبه بعقله و كلام كثير وانه اذا جى عندهم ماغير يمدح فيها وفي اهلها تقوله وهي مقهوره وكأنها تشكي انه متغيرعليهم ما انكر هي جميله و دلوعه ع قولتهم بس وش له المقارنه تزوج وانتهى ماابي منه شي الا يعاملني بالحسنى ولكن خلاص يفهمها انا ابي بيتي و اولادي وبس !! تتركني بحالي انا وانا الاولى والله مااذيتها ولا جيت صوبها وش له تغير زوجي و تخرب حياتي !! ما الومها الشرهه عليه هو
و بمناسبه صارت عزم اهل زوجته الثانيه وانا اهلي ولا حتى عبرهم !! برغم ان اخوي مرره حالته الماديه تعبانه عمره ماطلبه ! مواقف كثيييييييييييره هزتني من جوى استحملت وعديت لكن تعبت الصبرله حدوووود والله له حدوود بقضي عمري كله وهو مو شايفني ومهملني و يجرحني بكل موقف !
مو بس مستحقرني حتى مستحقر اهلي طفح بي الكيل ماسك جواله و قاعد يرسل لها وشوي يبتسم و شوي مسرح واقول له ابنك تعبان عنده التهابات في الكلى ولا كأني اكلمه يقول بكره حتى اذا نزلت معاه مشوار وااللله يتركني نص ساعه بالسياره و يدخل عندها واتحممممممل واصبر اخر شي فجرني ع الاخر جت له ترقيه بالعمل وخبى علي السالفه و المدام 2 سوت له حفله مطنطنه ببيت اهلزوجي كللللللللللللهم يحتفلون ويهدونه وانا مو عارففه شي و بالصدفه عرفت وشفت صورهم بعد صارت مشكله بعدها وصحيت لنفسي متأخر شلت اغراضي ومشيت و طلبت الطلاق وهوعارف مالي رجعه اخر كلمه سمعها مني !! أمي الي تعبت وسهرت علي محتاجتني اكثر منه و تقدر وجودي و انا محسوبه عليه زوجه ولا هو مو زووج ابدا ,, بعد اسبوعين شافوااصراري ع الطلاق خافوا الا تفضل حضرة جنابه لبيت اهلي و قعد يوعد و يحلف اخوي تركنا لحالنا ماخليت له فرصه يتكلم قلت له : مو عاجبتنك ولا اهلي عاجبينك ولا حياتي تعجبك و لا اهتمامي وحرصي عليك يعجبك ولا كلامي يعجبك ليش تبيني عشان الاولاد والله حياتهم كيذا احسن انت مو عاجبني ولا فيك شي يعجبني اخلاقك وطبعك معي كرهتني فيك الثانيه اكيييييييد احسن مني فيكل شي ولا لا يكون بترجعني لان ست الحسن والجمال ماتطبخ لك !! والله لو حتى ارجعلك ماظني يرجع الي بينا طلقني وخلاص
حاول وحاول حس اني جاده واتصلت امه علي تقول والله انه ماعاد أكل ولا شرب و مهموم وحالته حاله قلت خليه يعيش ما عشته !
للحين الامر معلق مو قادره اسامحه ولا عاد ابيه !
أعرف سببت لكم صداع و قلت كلام مو مرتب ويمكن ماحد يفهم بس ارتحت والله اول مره اشكي لغير الله طبعا الكل يشوف حالتي وساكت ادري انا قلت الي عندي بس اطلب دعوه ان الله يعوضني خير ويعطيني ع قد نيتي ..
حياتي أجمل @hyaty_agml_1
عضوة جديدة
هذا الموضوع مغلق.
بطيخة حمراء
•
ياعمري الله يعوضك صبرك خير عليك بدعاء وخليك على موقفك بس لاعاد تجيبين سيره الطلاق اهجريه هلفتره خليه يحس بقيمتك
fofoah-
•
اه ياقلبي وربي حزنت حسيت في اللي تقولينه
بس ادعي الله واستخيري وخليه يروح لها وانتي اجلسي مع الوالده الله يطول بعمرها ولاتفكرين
الرجال منغوي عنك هالفتره بس يجي يوم ويفوق ويندم
بس ادعي الله واستخيري وخليه يروح لها وانتي اجلسي مع الوالده الله يطول بعمرها ولاتفكرين
الرجال منغوي عنك هالفتره بس يجي يوم ويفوق ويندم
اسال الله العلي العظيم ان يفرج همك
ويسخر زوجك لك
ويشوفك بعينه ملاك
انا ماراح اقولك لاتطلقي ولاشئ
لكن استخيري واستخيري واستخيري
وابعدي هالفترة عنه
قولي باخذ وقتي وبرتاح وافكر
واتجهي لربك صدقيني بترتاحي
وعليك بقيام الليل والاستغفار
وبقولك نصيحه اخيرة
لاتحاولي تقارني بينك وبينها
لانك انتي اللي بتتعبي
ولو كانت هي جميلة ودلوعه
وين راحت صفاتك الحلوة بسرعه نسيتيها
خلي ثقتك بنفسك عاليييية ولاتخلين اي كلمة تهزك
الله يفرج همك
ويسخر زوجك لك
ويشوفك بعينه ملاك
انا ماراح اقولك لاتطلقي ولاشئ
لكن استخيري واستخيري واستخيري
وابعدي هالفترة عنه
قولي باخذ وقتي وبرتاح وافكر
واتجهي لربك صدقيني بترتاحي
وعليك بقيام الليل والاستغفار
وبقولك نصيحه اخيرة
لاتحاولي تقارني بينك وبينها
لانك انتي اللي بتتعبي
ولو كانت هي جميلة ودلوعه
وين راحت صفاتك الحلوة بسرعه نسيتيها
خلي ثقتك بنفسك عاليييية ولاتخلين اي كلمة تهزك
الله يفرج همك
اسال الله العلي العظيم ان يفرج همك ويسخر زوجك لك ويشوفك بعينه ملاك انا ماراح اقولك لاتطلقي ولاشئ لكن استخيري واستخيري واستخيري وابعدي هالفترة عنه قولي باخذ وقتي وبرتاح وافكر واتجهي لربك صدقيني بترتاحي وعليك بقيام الليل والاستغفار وبقولك نصيحه اخيرة لاتحاولي تقارني بينك وبينها لانك انتي اللي بتتعبي ولو كانت هي جميلة ودلوعه وين راحت صفاتك الحلوة بسرعه نسيتيها خلي ثقتك بنفسك عاليييية ولاتخلين اي كلمة تهزك الله يفرج همكاسال الله العلي العظيم ان يفرج همك ويسخر زوجك لك ويشوفك بعينه ملاك انا ماراح اقولك لاتطلقي...
راح أعمل بنصيحتك أم صالح الله يجزاك خير
الصفحة الأخيرة